اسلام آباد:سپریم کورٹ میں پی ڈبلیو ڈی ملازمین کو تنخواہوں کی عدم ادائیگی کیس کی سماعت کے دوران چیف جسٹس نے کہا کہ جب تک ملازمین کو تنخواہیں نہیں ملتی ، اپنی تنخواہ بھی نہیں لوں گا۔
منگل کو چیف جسٹس ثاقب نثار کی سربراہی میں سپریم کورٹ کے بینچ نے پی ڈبلیو ڈی ملازمین کو تنخواہوں کی عدم ادائیگی کیس کی سماعت کی، اسپیشل سیکریٹری خزانہ اور اکاؤنٹنٹ جنرل عدالت میں پیش ہوئے۔چیف جسٹس میاں ثاقب نثار نے ملازمین کو تنخواہیں نا ملنے تک اپنی تنخواہ نہ لینے کا اعلان کرتے ہوئے کہا جب تک ملک بھر کے پی ڈبلیو ڈی ملازمین کو تنخواہیں نہیں ملتیں میرے اکاؤنٹ میں چیک نہیں آنا چاہیے۔
چیف جسٹس ثاقب نثار نے ایڈیشنل رجسٹرار کو مخاطب کرتے ہوئے کہا کہ ایڈیشنل رجسٹرار صاحب یہ حکم ہے! میرے اکاؤنٹ میں چیک ڈیپازٹ نہیں کرانا۔چیف جسٹس کا کہنا تھا کہ وہ اس وقت تک اپنی تنخواہ نہیں لیں گے جب تک تمام پی ڈبلیو ڈی ملازمین کو تنخواہ نہیں مل جاتی۔چیف جسٹس کا کہنا تھا کہ پہلے وہ دیکھیں گے کہ تمام ملازمین کو تنخواہوں کی ادائیگی ہوگئی ،پھر اپنے اسٹاف کو کہیں گے کہ چیک اُن کے اکاؤنٹ میں جمع کرا دیں
Facebook Comments
بذریعہ فیس بک تبصرہ تحریر کریں