عمران خان نے راولپنڈی میں ممبرسازی مہم کے سلسلے میں مختلف کیمپوں کا دورہ کیا اور ممبر سازی مہم کا جائزہ لیا۔ اس موقع پر پیرودھائی کے مقام پر ممبرسازی کیمپ پر خطاب کرتے ہوئے انہوں نے کہا کہ تمام نوجوانوں کو پی ٹی آئی کا ممبر بننے کی تاکید کرتا ہوں کیونکہ یہ سال نئے پاکستان اور تبدیلی کا سال ہے۔

انہوں نے کہا کہ پنڈی میٹرو کی جگہ یہ پیسہ صحت، تعلیم اور صاف پانی پر لگا کر شہر کو بدلا جا سکتا تھا لیکن انہوں نے پیسا بنانا تھا اسی لیے پروجیکٹ بنایا۔

عمران خان نے کہا کہ شریف خاندان قوم کا پیسا چوری کر کے باہر لے جاتا ہے لیکن اس کرپٹ مافیا اور ٹولے کا آئندہ انتخابات میں خاتمہ ہوگا۔انہوں نے کہا کہ آپ کے کپتان کو مقابلہ کرنا آتا ہے اور 22 سال سے اس وقت کا انتظار کر رہا تھا، آئندہ الیکشن میں تمام جماعتوں کو پھینٹی لگاؤں گا۔

Advertisements

چیئرمین تحریک انصاف عمران خان نے مزید کہا کہ ہرے پاسپورٹ کی پوری دنیا میں عزت کرائیں گے اور پاکستانی ہرا پاسپورٹ لے کر دنیا میں جہاں بھی جائے گا لوگ اس کی عزت کریں گی۔