ایک پاؤں پر کھڑے رہنے کے حیرت انگیز فوائد

سکول کے زمانے میں اساتذہ کی جانب سے کان پکڑ کر ایک ٹانگ پر کھڑے رہنے کی سزا دی جاتی تھی اور مرغا بنایا جانا بھی ایک عام سزا ہوا کرتی تھی، اسی طرح تاخیر سے اسکول آنے پر میدان میں دوڑ لگوانا یا اُٹھک بیٹھک کروانا بھی طالب علموں کو دی جانے والی عام سزائیں تھیں لیکن اس کے حیرت انگیز سائنسی فوائد بھی ہیں۔

گو کہ اساتذہ یہ سزائیں نظم وضبط کی پابندی کو یقینی بنانے کے لیے دیا کرتے تھے لیکن جسمانی ورزش کے ماہرین اور فزیو لوجسٹ کا کہنا ہے کہ یہ سزائیں جسمانی مضبوطی اور صحت کے لیے کارگر ثابت ہوتی ہیں۔ بالخصوص ایک ٹانگ پر کھڑے رہنا جسم کے جوڑوں کی مضبوطی اور توازن کو برقرار رکھنے کی صلاحیت میں اضافے کے لیے ایک عمدہ مشق ہے۔

ماہرین تجویز کرتے ہیں کہ دن میں 15 منٹ کے لیے ایک پاؤں پر کھڑے ہوکر دونوں ہاتھوں کو طیارے کے پَر کی طرح دائیں و بائیں جانب پھیلا کر آنکھیں بند کرلیں اور ہر بیس سیکنڈ بعد پاؤں تبدیل کرتے رہیں اس طرح آپ کا جسم توازن کرنا سیکھ جائے گا اور جسم کے پٹھے اور ہڈیوں کے جوڑ مضبوط ہوجائیں گے۔

Advertisements
julia rana solicitors

امریکا میں فٹنس سینٹر چلانے والے ماہر جسمانی ورزش والکر کا کہنا ہے کہ ایک پاؤں پر کھڑے رہنے میں دشواری کا سامنا ہو تو اپنے دونوں ہاتھوں سے کانوں کو پکڑ لیں اس طرح جسم کا توازن برقرار رہے گا اور آپ فرش پر نہیں گریں گے اسی طرح جب توازن برقرار ہو جائے تو دوبارہ ہاتھوں کو پھیلالیں اس دوران نارمل طریقے سے سانس لیتے رہیں۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply