اسلام آباد:پاکستان نے افغان فضائی حدود کی خلاف ورزی کے الزامات مسترد کردیئے۔
جمعے کو اسلام آباد سے جاری بیان میں ترجمان دفترخارجہ ڈاکٹر محمد فیصل کا کہنا تھا کہ افغانستان کی جانب سے پاکستان پر افغان حدود کی خلاف ورزیوں کے الزامات بے بنیاد ہیں، افغان حکومت کو الزام تراشیوں سے باز رہنا چاہیے ۔
انہوں نے کہا کہ افغانستان سے دہشت گرد حملوں میں بھاری جانی ومالی نقصان ہورہا ہے کیونکہ افغانستان کے سرحدی علاقوں میں دہشتگردوں کی محفوظ پناہ گاہیں ہیں۔
ترجمان دفترخارجہ کے مطابق ،سرحدی علاقوں سے دہشتگرد پاکستانی عوام اور سیکیورٹی فورسز کونشانہ بناتے ہیں لہذا افغان حکومت سرحدی علاقوں میں انسداد دہشتگردی کیلئےمؤثرکارروائیاں کرے ۔
ڈاکٹر فیصل نے مزید کہا کہ دونوں ملک دہشتگردی کیخلاف ملکر کام کریں گے تو فائدہ ہوگا اور دہشتگردی کے خاتمے سے دونوں ملکوں کو ترقی و خوشحالی میسرآئےگی۔
Facebook Comments
بذریعہ فیس بک تبصرہ تحریر کریں