زیر زمین 17منزلوں والا انوکھا لگژری ہوٹل

حیران کن میگا انفرا سٹرکچر کی تعمیر کے سلسلے کو برقرار رکھتے ہوئے چین فن تعمیر کا ایک اور شاہکار اور اپنی نوعیت کا انوکھا پراجیکٹ مکمل کرنے جارہا ہے۔ شنگھائی شہر میں زیر زمین لگژری ہوٹل کی تیاری جاری ہے جس کی 17 منزلیں زمین کی سطح سے نیچے ہیں۔ ڈیپ پٹ نامی اس ہوٹل کو خوبصورت تیمانیا پہاڑوں کے بیچوں بیچ تعمیر کیا جارہا ہے جس کے لئے 100 میٹر زیر زمین کھدائی کی گئی ۔ 19 منزلوں والے اس ہوٹل کی 17 منزلیں زمین سے نیچے اور 2 زمین کے اوپر ہیں۔ ویسے تو یہ پراجیکٹ 2006 میں شروع کیا گیا تھا تاہم اس کی سائنسی فزیبیلٹی تحقیق، ارضیاتی پیچیدگیوں اور بنیادوں سے جڑے تعمیری مسائل اور مشکلات کو حل کرنے میں 7 سال لگ گئے جس کے بعد 2013 میں اس عمارت کی تعمیر کا آغاز ہوا اور اب یہ میگا سٹرکچر تعمیر کے مراحل تیزی سے طے ک ررہا ہے۔ نقشے کے مطابق مین بلڈنگ میں ہوٹل کی لابی، کانفرنس رومز، انٹرٹینمنٹ اور دیگر حصے ہوں گے جبکہ مجموعی طور پر ہوٹل 370 کمروں پر مشتمل ہوگا جس میں ابتدائی دو منزلیں پانی کے اندر ہوں گی اور سیاح ان کمروں میں زیر سمندر جیسے ماحول کا مزہ لے سکیں گے۔ منصوبے کے تحت اس پراجیکٹ میں ان ڈور اور آئوٹ ڈور گارڈن اور آبشاریں بھی بنائی جائیں گی۔

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *