مصر نے اپنی فیس بک متعارف کروادی

غیر ملکی خبررساں ادارے کے مطابق مصر کے وزیر اطلاعات نے گزشتہ ماہ اعلان کیا تھا کہ مصر خود اپنی سماجی رابطے کی ویب سائٹ بنانے کا ارادہ رکھتا ہے جب کہ اب مصر نے اپنی فیس بک متعارف کرالی ہے جسے ’اجپٹ فیس‘ کا نام دیا گیا ہے جب کہ ویب سائٹ کو www.egface.com کے نام سے رجسٹرد کیا گیا ہے۔

مصر کی جانب سے بنائی گئی فیس بک کے فرنٹ پیچ پر لیورپول کلب کے لیے کھیلنے والے مصر کے معروف فٹ بالر محمد صالح کی تصویر کو ’ کور فوٹو ‘ کے طور پر لگایا گیا ہے جب کہ ویب سائٹ کی تھیم بھی فیس بک کی طرح نیلے کلر میں رکھی گئی ہے۔

tripako tours pakistan

ابتدائی طور پر مصری فیس بک کو استعمال کرنے کے لیے 3 زبانوں کا انتخاب کیا جاسکتا ہے جن میں انگریزی، فرانسیسی اور عربی شامل ہیں جب کہ اکاؤنٹ بنانے کے لیے ویب سائٹ کا طریقہ کار تقریباً فیس بک جیسا ہی رکھا گیا ہے۔ رپورٹس کے مطابق اب تک 500 سے زائد افراد اس فیس بک کو سبسکرائب کرچکے ہیں۔

Advertisements
merkit.pk

مصر کے وزیراطلاعات یاسیر القادی کا کہنا تھا کہ خیالات کے ذریعے انتہا پسندی کے خلاف جنگ میں ہماری حکمت عملی بہت واضح ہے جب کہ مستقبل میں اسی طرح سماجی رابطے کی مزید ویب سائٹ بھی بنائی جائیں گی۔ انہوں نے مزید کہا کہ ہمیں شہریوں کے ڈیٹا کے حفاظت کے قابل ہونا چاہیے اور ملک میں استحکام کے لیے اپنے شہریوں کی مدد کرنی چاہیے۔

  • merkit.pk
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply