• صفحہ اول
  • /
  • خبریں
  • /
  • سینیٹ چیئرمین شپ: (ن) لیگ کا راستہ روکنے کیلئے پیپلز پارٹی کی پی ٹی آئی کو پیشکش

سینیٹ چیئرمین شپ: (ن) لیگ کا راستہ روکنے کیلئے پیپلز پارٹی کی پی ٹی آئی کو پیشکش

چیئرمین اور ڈپٹی چیئرمین سینیٹ کے لئے سیاسی جماعتوں نے رابطے شروع کردیئے اور اسی سلسلے میں پیپلز پارٹی اور تحریک انصاف کے درمیان رابطہ ہوا ہے۔

ذرائع کے مطابق دونوں جماعتوں کے درمیان اتفاق کی صورت میں پیپلز پارٹی نے چیئرمین سینیٹ کا عہدہ اپنے پاس اور ڈپٹی چیئرمین شپ کا عہدہ تحریک انصاف کو دینے کی پیشکش کی ہے۔

tripako tours pakistan

ذرائع کا کہنا ہے کہ تحریک انصاف کے رابطہ کاروں نے پیپلز پارٹی کی پیشکش اعلیٰ قیادت تک پہنچانے پر اتفاق کیا ہے۔خیال رہے کہ چیئرمین سینیٹ کے لئے 53 ووٹ درکار ہیں جب کہ مسلم لیگ (ن) اور اس کے اتحادیوں کے پاس 45 سے زائد ووٹ ہیں۔

سینیٹ میں پیپلز پارٹی 20 نشستوں کے ساتھ دوسری اور تحریک انصاف 12 نشستوں کے ساتھ تیسری بڑی جماعت ہے۔چیئرمین و ڈپٹی چیئرمین سینیٹ کے انتخاب کے عمل میں آزاد حیثیت میں کامیاب ہونے والے سینیٹرز اہم کردار ادا کرسکتے ہیں جن کی حمایت حاصل کرنے کے لئے سیاسی جماعتوں نے رابطے تیز کردیے۔

Advertisements
merkit.pk

پیپلز پارٹی نے دعویٰ کیا ہے کہ بلوچستان سے کامیاب ہونے والے 8 آزاد سینیٹرز نے حمایت کی یقین دہانی کرادی جب کہ فاٹا سے کامیاب ہونے والے نومنتخب آزاد سینیٹر مرزا محمد آفریدی نے آج مسلم لیگ (ن) میں شمولیت اختیار کی ہے۔

  • merkit.pk
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply