میں کافی عرصہ کے بعد اپنے گاؤں پہنچا تھا۔
ایک ہفتہ چھٹیوں کا کیسے گزرا پتہ ہی نہیں چلا ۔
مگر بچے اس ماحول کے عادی نہیں تھے ،
میں نے انہیں بور محسوس کیا۔
واپسی پر ابا جی نے میرے قریب آ کر کہا ۔
’’کاکے کو شہر جا کر اچھے ڈاکٹر سے چیک کروانا مجھے یہ کچھ ٹھیک نہیں لگا،
میں نے اسے کبھی چھت پر،
اور کبھی حویلی کے کونے کھدروں میں ہی دیکھا ہے ‘‘۔
میں ہنس دیا۔
’’ نہیں ابا جی ۔۔۔!دراصل گاؤں میں موبائل کے سگنل بہت کمزور ہیں،
کاکا موبائل اٹھائے سگنل کی تلاش میں ہی رہتا تھا ‘‘۔
Facebook Comments
بذریعہ فیس بک تبصرہ تحریر کریں