عوامی عدالت نے نااہل کو اہل کردیا، مریم نواز

مانسہرہ میں سوشل میڈیا ورکرز کنونشن سے خطاب کرتے ہوئے مریم نواز نے کہا کہ 2 دن پہلے لودھراں کی عوامی عدالت نے اپنا فیصلہ دیا ہے اور عوامی عدالت نے نااہل کو اہل کردیا ہے۔

انہوں نے کہا کہ لودھراں کی عوامی عدالت نے عام انتخابات سے پہلے ہی مخالفین کو سزا سنادی ہے۔

tripako tours pakistan

مریم نواز نے کہا کہ نواز شریف کو عوام سے دور رکھنے کی سازش نے نواز شریف سے محبت کو عشق میں بدل دیا ہے اور یہ عشق ہی ہے کہ بار بار ہر عوامی عدالت سے نواز شریف کے حق میں فیصلہ آرہا ہے۔انہوں نے کہا کہ مجھے خوشی ہے کہ نواز شریف کا مقدمہ عوام نے اپنے ہاتھ میں لے لیا ہے اور اب نواز شریف کا فیصلہ عدالتوں نے نہیں بلکہ آپ نے کرنا ہے۔

مریم نواز نے کہا کہ نوازشریف کا رتی برابر بھی قصور ہوتا تو یوں ایک کے بعد ایک عوامی عدالت سے حق میں فیصلہ نہ آرہا ہوتا۔ اب ’مجھے کیوں نکالا‘ کا مذاق بنانے والے خود آج کہتے ہوں گے نواز شریف کو کیوں نکالا۔

انہوں نے کہا کہ کبھی کہتے ہو نواز شریف ملک کے اندر نہيں آسکتے تو کبھی کہتے ہو باہر نہیں جاسکتےا اور پہلے سات سال نواز شریف کو باہر رکھا لیکن اب کہتے ہو باہر نہیں جاسکتے۔مریم نواز نے مزید کہا کہ نواز شریف کا نام ای سی ایل میں ڈالنے کی ضرورت نہيں۔ ہم بھاگنے والوں میں سے نہیں اور نواز شریف اور بچے یہیں رہیں گے۔

Advertisements
merkit.pk

اس سے قبل مریم نواز (ن) لیگ کے سوشل میڈیا یوتھ کنونشن میں شرکت کیلئے مانسہرہ پہنچیں تو لیگی کارکنان کی جانب سے ان کا فقید المثال استقبال کیا گیا۔

  • merkit.pk
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply