• صفحہ اول
  • /
  • خبریں
  • /
  • مسلسل بیٹھ کر کام کرنا آپ کی صحت کے لیے نقصاندہ ثابت ہوسکتا ہے

مسلسل بیٹھ کر کام کرنا آپ کی صحت کے لیے نقصاندہ ثابت ہوسکتا ہے

فرانس: طبی ماہرین نے دفاتر میں بیٹھ کر کام کرنے والے افراد کو متنبہ کرتے ہوئے کہا ہے کہ اگر آپ صحت مند زندگی گزارنا اور موٹاپے سے نجات حاصل کرنا چاہتے ہیں تو زیادہ سے زیادہ کھڑے ہوکر کام کریں۔

تفصیلات کے مطابق یورپ میں ہونے والی تحقیق میں یہ بات سامنے آئی کہ دفاتر یا گھروں میں زیادہ وقت بیٹھنے سے جسم میں موجود کیلوریز ختم نہیں ہوتیں  جس کے باعث صحت خراب اور موٹاپہ بڑھ جاتا ہے۔

ماہرین کے مطابق اگر کوئی شخص موٹاپے سے عاجز ہے اور وہ اضافی وزن کو کم کرنا چاہتا ہے تو دن میں زیادہ سے زیادہ وقت کھڑے ہوکر کام کرے کیونکہ اس عمل سے ہر منٹ میں 0.15 فیصد اضافی کیلوری جسم سے ختم کی جاسکتی ہے۔

مطالعہ میں یہ بات بھی سامنے آئی کہ انسانی جسم میں کیلوریز کے بڑھ جانے سے ہارٹ اٹیک، ذیابیطس کے امراض لاحق ہونے کے خطرات زیادہ ہوتے ہیں اس لیے کھڑے ہو کر روزمرہ یا دفتر کے امور سرانجام دیں تاکہ کیلوریز کو کنٹرول کیا جاسکے۔

محققین کا یہ بھی کہنا ہے کہ اگر 65 کلو گرام وزن کا حامل انسان روزانہ 6 گھنٹے کھڑے ہوکر کام کرتا ہے تو وہ اس طرح سال میں تقریبا ڈھائی کلو گرام تک وزن کم کرسکتا ہے ساتھ میں اُسے خوراک کا توازن بھی برقرار رکھنا ہے۔

تحقیق میں یہ بات بھی سامنے آئی کہ کھڑے ہوکر کام کرنے والوں کی نہ صرف پیداواری صلاحیتوں میں اضافہ ہوتا ہے بلکہ وہ ہرمسئلے کا حل بھی نکال لیتا ہے۔

Advertisements
julia rana solicitors london

ماہرین کے مطابق صحت کی بہتری اور وزن کی کمی کے لیے یہ حل مستقل تو نہیں البتہ اس کی اہمیت سے انکار نہیں کیا جاسکتا ساتھ ہی ڈاکٹرز کا یہ بھی ماننا ہے کہ کام کرنے والوں کو ہر تھوڑی دیر میں کھڑے ہوکر اپنے آپ کو متحرک کرنا ضروری ہے۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply