• صفحہ اول
  • /
  • خبریں
  • /
  • الیکشن کمیشن نےعمران خان کو لودھراں جلسے میں خطاب سے روک دیا

الیکشن کمیشن نےعمران خان کو لودھراں جلسے میں خطاب سے روک دیا

SHOPPING
SHOPPING

اسلام آباد: الیکشن کمیشن آف پاکستان نے تحریک انصاف کے سربراہ عمراں خان کو لودھراں جلسے میں خطاب کرنے سے روکتے ہوئے نوٹس جاری کردیے گئے۔

تفصیلات کے مطابق الیکشن کمیشن آف پاکستان نے عمران خان کے لودھراں جلسے میں خطاب کو ضابطہ اخلاق کی خلاف ورزی قرار دیتے ہوئے جلسے سے خطاب نہ کرنے کا حکم نامہ جاری کر دیا‘ ریٹرننگ افسر نے عمران خان اور علی ترین کو نوٹس جاری کردیا۔

الیکشن کمیشن کی جانب سے موقف اختیار کیا گیا ہے کہ وزیراعظم‘ وزراء اور ارکانِ پارلیمنٹ کسی بھی حلقے میں جاری الیکشن کمپئین کے دوران وہاں کا دورہ نہیں کرسکتے ۔ یاد رہے کہ این اے154میں12فروری کو ضمنی انتخابات ہورہےہیں۔

خیال رہے کہ پاکستان تحریک انصاف کی جانب سے جہانگیرترین کی نااہلی کے بعد خالی ہونے والی نشست پران کے صاحبزادے علی ترین کو ٹکٹ دیا گیا تھا۔

SHOPPING

تحریک انصاف نے اس ضمنی انتخاب کے سلسلے میں آج شام ایک جلسے کا انعقاد کیا تھا جس میں پارٹی سربراہ عمران خان کا خطاب طے تھا۔ جلسے میں شرکت کے لئے تحریک انصاف کے حامی اور ووٹرز کثیر تعداد میں جلسہ گاہ پہنچنا شروع ہوچکے ہیں۔

SHOPPING

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *