ایک دن میں ڈیڑھ کروڑ سے زائد لائیکس لینے والی تصویر

SHOPPING
SHOPPING

اگر آپ فیس بک کی اس فوٹو شیئرنگ ایپ کو استعمال کرتے ہیں تو آپ کو دیگر افراد کی تصاویر پر ہزاروں لائیکس دیکھ کر حیرت ہوتی ہوگی مگر آج تک کوئی بھی تصویر ڈیڑھ کروڑ لائیکس کا سنگ میل عبور نہیں کرسکی تھی مگر اب یہ اعزاز آخرکار ایک شخصیت نے اپنے نام کرلیا ہے۔

جی ہاں گزشتہ دنوں بچی کو جنم دینے والی رئیلٹی ٹی وی اسٹار اور معروف ماڈل کیلی جینر نے انسٹاگرام میں سب سے زیادہ لائیک کی جانے والی تصویر کا اعزاز اپنے نام کرلیا ہے۔

اس ماڈل نے گزشتہ روز اپنی نومولود بیٹی کی پہلی تصویر اور نام انسٹاگرام پر شیئر کیے اور لگتا ہے کہ لوگوں کے دل جیت لیے۔

یکم فروری کو پیدا ہونے والی بچی کا نام کیلی نے سٹرومی ویبسٹر رکھا ہے اور تصویر میں وہ اپنی ماں کے انگوٹھے کو تھامے ہوئے نظر آرہی ہے۔

اس تصویر کو صرف ایک دن کے اندر ڈیڑھ کروڑ سے زائد بار لائیک کیا جاچکا ہے اور لگتا ہے کہ دو کروڑ کا سنگ میل بھی طے کرسکتی ہے۔

بیس سالہ کیلی نے بچی کی پیدائش کے حوالے سے نو ماہ تک خاموشی اختیار کیے رکھے تھی اور گزشتہ ہفتے ہی اس کی تصدیق کی۔

SHOPPING

ویسے اس سے پہلے انسٹاگرام کی سب سے زیادہ پسند کی جانے والی تصاویر میں سے ایک فٹبالر کرسٹیانو رونالڈو کے بچے کی پیدائش جبکہ دوسری گلوکارہ بیونسے کی تھی جس میں انہوں نے حاملہ ہونے کا اعلان کیا تھا اور اسے ایک کروڑ دس لاکھ سے زائد افراد نے لائیک کیا تھا۔

SHOPPING

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *