• صفحہ اول
  • /
  • خبریں
  • /
  • سندھ کے 5 اضلاع میں بریسٹ کینسر اسکریننگ مشینیں نصب کرنے کا فیصلہ

سندھ کے 5 اضلاع میں بریسٹ کینسر اسکریننگ مشینیں نصب کرنے کا فیصلہ

کراچی: چھاتی کے کینسر کے علاج کے لیے محکمہ صحت سندھ نے اہم اقدام کرتے ہوئے صوبے کے 5 اضلاع میں بریسٹ کینسر اسکریننگ مشینیں نصب کرنے کا فیصلہ کیا ہے۔

تفصیلات کے مطابق سندھ کے 5 اضلاع میں بریسٹ کینسر اسکریننگ مشینیں نصب کرنے کا فیصلہ کیا گیا ہے۔ صوبائی وزیر صحت سکندر میندھرو کا کہنا تھا کہ اسکریننگ مشینوں سے چھاتی کے کینسر کی بر وقت تشخیص ہوگی۔

انہوں نے کہا کہ سندھ حکومت خواتین کی بہترصحت کے لیے کوشاں ہے۔

سکندر میندھرو نے مزید بتایا کہ مشینیں کراچی پہنچ چکی ہیں۔ ڈاکٹرز اور عملے کی تربیت کا عمل مکمل کرلیا گیا ہے۔ ڈاکٹرز کی ڈسٹرکٹ اسپتالوں میں تقرری کی جارہی ہے۔

صوبائی وزیر صحت کا کہنا تھا کہ جدید آلات کی فراہمی اور دواؤں کی فراہمی یقینی بنائی جا رہی ہے۔

یاد رہے کہ پاکستان میں خواتین میں بریسٹ کینسر کی شرح میں اضافہ ہورہا ہے اور یہ کینسر کی دوسری ہلاکت خیز قسم ہے جو ہر سال بے شمار خواتین کی جان لے لیتی ہے۔

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *