متحدہ عرب امارات کی ایک خاتون نے شادی کے تین برس بعد ہی خاوند سے طلاق لینے کا انوکھا طریقہ ڈھونڈ لیا ، خاتون نے اپنے خاوند کے موبائل فون سے اپنے نمبر پر طلاق کا ایس ایم ایس ٹائپ کر کے بھجوا دیا اور بعد میں عدالت میں دعویٰ کر دیا کہ اس کے شوہر نے اسے طلاق دی ہے۔

خاتون کے شوہر نے عدالت میں اس بات کا اقرار کیا کہ اس نے اپنی بیوی کو طلاق کا پیغام نہیں بھجوایا ، وہ غلط بیانی سے کام لے رہی ہے ۔ اس حوالے سے ذرائع کا کہنا ہے کہ خاتون نے رات کو خاوند کے سونے کے بعد اس کے موبائل اپنے موبائل پر میں تمہیں طلاق دیتا ہوں کا ایس ایم ایس تین بار بھجوا دیا اور صبح شور مچا دیا کہ اس کے خاوند نے اسے طلاق دے دی ہے۔

Advertisements

بعد ازاں عدالت میں کیس کی سماعت کے دوران عدالتی اہلکار نے جب اس سے موبائل پر آنے والے ایس ایم ایس کے ذریعے کا دریافت کیا تو وہ سٹپٹا گئی اور گھبراہٹ میں اس نے تسلیم کر لیا کہ اس نے طلاق کا ایس ایم ایس خود ہی ٹائپ کر کے بھجوایا تھا۔