• صفحہ اول
  • /
  • خبریں
  • /
  • پریانکا کی فلم ’بے واچ‘ بد ترین فلموں کی کیٹیگری میں نامزد

پریانکا کی فلم ’بے واچ‘ بد ترین فلموں کی کیٹیگری میں نامزد

SHOPPING

پریانکا چوپڑا بالی وڈ میں کامیابیاں سمیٹنے کے بعد ہالی وڈ میں قدم جماچکی ہیں اور انہوں نے امریکی ڈرامے ’کوانیٹیکو‘ کے ذریعے کیریئر کا آغاز کیا۔

اداکارہ نے گزشتہ سال ہالی وڈ میں فلم ’بے واچ‘ کے ذریعے فلمی کیرئیر شروع کیا اور اب مزید 3 فلموں کی شوٹنگ میں مصروف ہیں۔

ہالی وڈ میں بہترین کارکردگی کے ساتھ بد ترین کارکردگی کے ایوارڈز شوز کا بھی انعقاد ہوتا ہے اور ان میں گولڈن ریسبیری ایوارڈز کا بھی نام شامل ہے جس میں اداکارہ پریانکا چوپڑا کی فلم کو بد ترین فلموں کی کیٹیگری میں نامزد کرلیا گیا ہے۔

اس ایوارڈ شو میں بدترین اداکار و اداکارہ، بدترین فلم اور بدترین ہدایت کار کی کیٹیگریز شامل ہیں اور بالی وڈ کی صف اول کی اداکارہ پریانکا چوپڑا کی فلم کو سال 2017 کی ’بدترین فلم‘ کی کیٹیگری میں نامزد کیا گیا ہے۔

یہ ایوارڈ شو 3 مارچ کو امریکہ میں منعقد کیا جائے گا اور ایوارڈز کے لیے ووٹنگ کا سلسلہ 25 فروری تک جاری رہے گا۔

SHOPPING

یاد رہے کہ اس فلم میں پریانکا کے علاوہ ڈوائن جانسن اور زیک ایفرون نے مرکزی کردار ادا کیے تھے اور یہ فلم 13 مئی 2017 میں ریلیز کی گئی تھی۔

SHOPPING

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *