امریکی میڈیا کا کہنا ہے کہ واشنگٹن اور بیجنگ کے درمیان قیدیوں کا تبادلہ ہوا ہے، چین میں سالوں سے قید تین امریکیوں کو رہا کردیا گیا۔چین میں مارک سویڈن کو منشیات فروشی کے الزام میں گرافتار کیا گیا،کائی لی اور جان لیونگ کو جاسوسی کے الزامات میں گرفتار کیا گیاتھا۔
امریکی میڈیا کے مطابق امریکا نے بھی چینی شہریوں کو رہا کیا جن کی تعداد نہیں بتائی گئی،واشنگٹن میں چینی سفارتخانے نے خبر پر تبصرہ کرنے سے انکار کردیا۔

Advertisements

بائیڈن نے اپنے چینی ہم منصب شی جن پنگ سے جنوبی امریکہ کے ملک پیرو میں ایشیا پیسیفک اقتصادی تعاون کے اجلاس کے دوران ایک رو برو ملاقات میں تینوں امریکیوں کی واپسی پر زور دیا تھا۔اپنے دور صدارت میں بائیڈن دنیا کے مختلف ملکوں میں ناجائز طور پر قید کیے گئے 70 امریکیوں کو ملک میں واپس لائے ہیں۔