سوشل میڈیا پلیٹ فارم ایکس (سابقہ ٹوئٹر) اپنا نیا ویڈیو کالنگ فیچر لانچ کرنے جا رہا ہے جو بنیادی طور پر ایکس ایپ کے اندر زوم جیسی سہولت فراہم کرے گا۔

پیش کیے گئے سکرین شاٹ کے مطابق ایکس نے اپنے ویڈیو کانفرنسنگ پلیٹ فارم کا ایک ورکنگ ورژن بنایا ہے ، جس کے مالک ایلون مسک کا دعوی ہے کہ وہ پہلے ہی کمپنی میں اندرونی میٹنگز کے لئے استعمال کررہے ہیں۔

نیا آپشن دائیں طرف کے فنکشن بار (“کانفرنسز” کے طور پر) کے ساتھ ایک علیحدہ فعالیت کے طور پر شامل کیا جائے گا، اور ایک بار فعال ہونے کے بعد شرکاء کیلئے مکمل ویڈیو اسٹریمنگ کی فعالیت شامل ہوگی۔

سکرین شاٹ میں یہ نہیں بتایا گیا کہ سکرین پر کتنے شرکاء دکھائے جائیں گے، لیکن ایکس کا ویڈیو کالنگ آپشن (جو اس نے فروری میں تمام صارفین کیلئے پیش کیا تھا) فی الحال دیگر ایپس میں ویڈیو چیٹ کے اختیارات سے کہیں زیادہ محدود ہے۔

لہذا ، ممکنہ طور پر ، ایکس کی کانفرنس کالز سکرین پر 4شرکاء تک محدود ہوں گی ۔ حالانکہ زوم ، اور دیگر کانفرنس چیٹ ایپس کے ساتھ بہتر طور پر میچ کرنے کیلئے اس میں اضافہ کرنا چاہتا ہے۔

Advertisements

یہ اپ ڈیٹ ایلن مسک کے پلیٹ فارم کو “ایوری تھنگ ایپ” بنانے کے وژن کی طرف ایک اور قدم ہے جو آپ کی تمام انٹرایکٹو اور ٹرانزیکشنل ضروریات کو ایک ہی جگہ پر سہولت فراہم کرتا ہے۔