وینزویلا کے صدر نکولس مادورو نے کہا ہے کہ ڈیجیٹل کمیونیکیشن اپیلی کیشن ‘واٹس ایپ’ نے ملک کا پورا ڈیٹا بیس حزب اختلاف کے لیڈر کے حوالے کر دیا ہے۔

دارالحکومت کاراکاس میں سرکاری ٹیلی ویژن ‘وی ٹی وی’ کے لئے جاری کردہ بیانات میں انہوں نے کہا ہے کہ “ہمیں، ویزویلا کو انسان دشمن ٹیکنالوجکل امپیریل ازم کے تسلط سے بچانا چاہیے۔ واٹس ایپ نے وینزویلا کا پورا ڈیٹا بیس دہشت گردوں، حزب اختلاف کی شیطان ا ور مفرور لیڈر ‘ماریا کورینا’، ‘مچاڈو’ اور قانون کے مفرور ‘ایڈمونڈو گونزالیز’ اور اس کے حمایتیوں کے حوالے کر دیا ہے۔ آپ کون ہیں، آپ کے دوست کون ہیں، آپ کس موضوع پر بات کر رہے ہیں ، کون سے ویڈیو شیئر کر رہے اور کیسی آراء لکھ رہے ہیں یہ سب کچھ حزب اختلاف کے حوالے کر دیا گیا ہے”۔

مادورو نے اپنی ٹیلی فون اسکرین کیمروں کو دیکھا کر کہا ہے کہ” ہمیں واٹس ایپ کو اپنی زندگیوں سے خارج کر دینا اور ویزویلا کو انسان دشمن ٹیکنالوجکل امپیریل ازم کے قبضے سے چھُڑا لینا چاہیے”۔

Advertisements

واضح رہے کہ مادورو نے 7 اگست کو واٹس ایپ ایپلی کیشن کو سرکاری سطح پر ختم کر دیا تھا۔ موجودہ پیغام میں انہوں نے کہا ہے کہ اس ایپلی کیشن سے فوجیوں اور پولیس اہلکاروں کو بھی دھمکیاں مل رہی ہیں لہٰذا عوام سے میری اپیل ہے کہ رضاکارانہ اور درجہ بہ درجہ شکل میں واٹس ایپ کو اپنے ٹیلی فونوں سے خارج کر دیں۔