چل ٹُر چل گھر میرے–مُنو بھائی/نظم

اَج تک میرے گھر وِچ چانن
اِک وی جھات نہ ماری
آن رکی نئیں اِک پل اُوتھے
سورج دی اسواری
ڈوریاں کندھاں گونگے بوہے
چپ راہواں، بند باری
جوکاں بن کے خون نچوڑن
بے رونق دُکھ میرے

اِک میں سو انجانے دُکھ
اِک دیوا تیل نہ کھٹیا
اک میرا دل ریجھاں بھریا
بے قدری دا کھٹیا
اپنے گھر وِچ رونق بھر لاں
شوق دلیلوں اٹھیا
لاٹ حسن تیری دی پوجے
چانن چار چوفیرے
چل ٹُر چل گھر میرے

Advertisements
julia rana solicitors

تیری صورت ایویں کر لگ دی
دل نوں ویکھی بھالی
اپنی کُنڈی آکھڑکاوے
جیوں کر کوئی سوالی
خوشیاں بھرن بھڑولے
ہوون مٹ وختاں دے خالی
راتاں چانن بھریاں ہوون
خوشیاں بھرے سویرے
اَج تک انج نئی ہوئیا
بھاویں کیتے جتن بتھیرے
چل ٹر چل گھر میرے

Facebook Comments

مکالمہ
مباحثوں، الزامات و دشنام، نفرت اور دوری کے اس ماحول میں ضرورت ہے کہ ہم ایک دوسرے سے بات کریں، ایک دوسرے کی سنیں، سمجھنے کی کوشش کریں، اختلاف کریں مگر احترام سے۔ بس اسی خواہش کا نام ”مکالمہ“ ہے۔

بذریعہ فیس بک تبصرہ تحریر کریں

Leave a Reply