مکالمہ نمبر 01

٭٭٭٭٭ کاونٹ ڈاون ٭٭٭٭٭

باس : ” صحافی کا کیا ہوا ؟ ”

ماتحت : ” سر ای سی ایل سے نام نکال دیا ہے اسکا ”

باس : ” ای سی ایل میں نام ڈالا کیوں تھا ”

ماتحت : ” سر میں سمجھا تھا ، آپ ایسا چاہتے ہین ”

باس : ” پھر اب نام نکالا کیوں ہے ”

ماتحت : ” سر میں سمجھا اب آپ نام نکلوانا چاہتے ہیں ”

باس : ” خبر کی تردید کیوں کی ”

ماتحت : ” سر میں سمجھا آپ بھی کریں گے اس لیئے میں نے بھی کر دی ”

باس : ” مگر ہم نے تو خبر کی تردید نہیں کی ”

ماتحت : ” جی سر اس بات پر ہمیں حیرانگی ہے ”

باس : ” خبر لیک کس نے کی ”

ماتحت : ” سر اسکا سراغ لگانے کی کوشش کی جا رہی ہے ”

باس : ” کب تک لگ جائے گا سراغ ”

ماتحت : ” سر بس بہت جلد پتہ چل جائے گا ”

باس : ” ہم نے سوچا ہے کہ خبر لیک کرنے والے کو نشان عبرت بنا دیا جائے ”

ماتحت : ” سر آپ کے پاس وقت بہت کم ہے ، آپ خبر کی تردید کیوں نہیں کر دیتے ”

باس : ” ہم بھی وہی کریں جو تم کر رہے ہو تو تم میں اور ہم میں فرق کیا رہ جائے گا ، بولو ہم میں اور تم میں فرق ہے یا نہیں ؟ ”

ماتحت : ” جی جی سر فرق تو ہے ”

باس : ” کیا فرق ہے ”

ماتحت : ” سر آپ بادشاہ ہیں ، ہم رعایا ہیں ”

باس : ” گڈ تمہارا جذبہ قابل تحسین ہے ۔ سنو ہم خبر کی تردید کر سکتے ہیں مگر ایک شرط ہے ”

ماتحت : ” جی سر حکم کریں ”

Advertisements
julia rana solicitors london

باس : ” یہ کاونٹ ڈاون بند کر دو ”

Facebook Comments

کاشف رفیق محسن
اسلام انسانیت کا مذہب ہے ،انسانیت ہی میرا مذہب ہے اور انسانیت ہی اسلام کا اصل چہرہ ہے

بذریعہ فیس بک تبصرہ تحریر کریں

Leave a Reply