• صفحہ اول
  • /
  • خبریں
  • /
  • بھارتی میئر کا دورانِ خطاب شہریوں کو مسلمان ہونے کا مشورہ

بھارتی میئر کا دورانِ خطاب شہریوں کو مسلمان ہونے کا مشورہ

بھارتی شہر کولکتہ کے مئیر نے شہریوں کو اسلام قبول کرنے کا مشورہ دے دیا ہے، میئر کا بیان حکمران جماعت کو  سخت ناگوار گز را ہے۔کولکتہ شہر کے میئر فرہاد حکیم کی جانب سے آل انڈیا قرآن مقابلے کے دوران خطاب کرتے ہوئے کہنا تھا کہ غیر مسلم بدقسمت ہیں اور انہیں اپنا ایمان تازہ کرنے کے لیے اسلام قبول کرنا چاہیے۔میئر کوکلتہ کے اس بیان پر بی جے پی کی جانب سے شدید مخالفت کی جا رہی ہے، جبکہ میئر کا کہنا تھا کہ ہمیں غیر مسلمانوں میں اسلام کو پھیلانا چاہیے، اگر ہم کسی کو اسلام کی طرف راغب کرتے ہیں تو ہم ایک سچے مسلمان ثابت ہو سکتے ہیں۔

بھارتی میڈیا کی جانب سے میئر کوکلتہ کو شدید تنقید کا نشانہ بنایا جا رہا ہے، جبکہ ان کا 2016کا بیان بھی چلایا جا رہا ہے، جس میں کولکتہ کے مسلمان اکثریتی علاقے کو منی پاکستان قرار دیا تھا،جبکہ بھارتیہ جنتا پارٹی کی جانب سے میئر فرہاد کو بنگال کی وزیر اعلی ممتا بینرجی کا قریبی ساتھی قرار دیا جا رہا ہے۔

Advertisements
julia rana solicitors

بی جے پی بنگال کے رہنما اگنی مترا پول  نے اس موقع پر کہا  کہ مئیر کے بیان نے ہندو مذہب کی توہین کی ہے، ساتھ ہی بھارت میں اتحاد اور بھائی چارگی کو بھی خطرے میں ڈالا ہے۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply