سپریم کورٹ کراچی رجسٹری میں ہفتہ 13 جنوری کو وی آئی پی موومنٹ کے دوران سڑکوں کی بندش سے متعلق کیس کی سماعت چیف جسٹس کی سربراہی میں تین رکنی بینچ نے کی تھی۔

عدالت نے آئی جی سندھ کو سڑکوں کی بندش کے حوالے سے حلف نامہ جمع کرانے کی ہدایت کی تھی۔

سپریم کورٹ نے اب تفصیلی حکم نامہ جاری کردیا جس میں حکم دیا گیا ہےکہ وی آئی پی موومنٹ کے دوران شہریوں کی مشکلات کو کم سے کم کرنے کے لیے مؤثر اقدامات کیے جائیں۔

عدالت نے آئی جی سندھ کو حکم دیا ہےکہ وی آئی پی موومنٹ کے لیے بلیو بک کا قانون موجود ہے اسی قانون کے تحت اقدامات کیے جائیں اور باور کرایا جائے کہ اس کی خلاف ورزی نہ ہو۔

عدالت نے اپنے حکم میں کہا ہےکہ سیکیورٹی خدشات کے باعث اگر سڑک بند ناگزیر ہے تو صرف 2 منٹ کے لیے سڑک کو بند کیا جائے۔

Advertisements

عدالتی فیصلے میں کہا گیا ہےکہ اگر حکم کی خلاف ورزی کی ہوئی تو عدالت پھر اس کا نوٹس لے گی۔