یہ آخری جنگ ہے امریکا کو آزاد کرائیں گے’’ ، سزا کے بعد سابق امریکی صدر ڈونلڈ ٹرمپ نے اپنی سماجی رابطے کی سائٹ ’’ ٹرتھ’’ پر آن لائن ویڈیو پوسٹ کردی۔ یادرہے یہ وہی 35سیکنڈز کی ویڈیو ہے جسے انہوں نے صدارتی امیدوار کے لئے نامزدگی کے موقع پر 2023 میں شئیر کیا تھا۔
تفصیلات کے مطابق ویڈیو میں سابق امریکی صدرڈونالڈ ٹرمپ کہتے نظر آرہے ہیں “یہ آخری جنگ ہے،” “میرے ساتھ آپ کے ساتھ، ہم  ڈیپ اسٹیٹ کو گرا دیں گے۔ ہم جنگجوؤں کو،عالمگیریت کےحامیوں  کو نکال باہر کریں گے۔ ہم کمیونسٹوں، مارکسسٹوں اور فاشسٹوں کو نکال باہر کریں گے۔ ہم اس بیمار سیاسی طبقے کو باہر پھینک دیں گے جو ہمارے ملک سے نفرت کرتا ہے۔

انہوں نے  مزید کہا کہ  “ہم جعلی خبریں چلانے والےمیڈیا کو ختم کر دیں گے اور ہم امریکہ کو ایسے ولن سے ہمیشہ کے لیے آزاد کرائیں گے۔
یہ ویڈیو تمام 34 سنگین جرائم پر جیوری کے ذریعہ سزا یافتہ ہونے پر ٹرمپ کے پش بیک کا حصہ ہے۔

Advertisements

عدالت کے باہر، ٹرمپ نے “دھاندلی، ذلت آمیز مقدمے کی سماعت” کے بارے میں کہا کہ انہوں نے “کچھ غلط نہیں کیا” اور کہا کہ وہ “بہت ہی بے قصور آدمی” ہیں۔