اسلام آباد : سابق وزیراعظم نواز شریف کا کہنا ہے کہ حکومت کی مدت پوری ہونے میں اب 4 سے5 ماہ رہ گئے ہیں، اب سمجھ نہیں آتا ان تحریکوں کا مقصد کیا ہے۔

انہوں نے کہا کہ سمجھ نہیں آرہامیرےخلاف کیس کیاہے۔

تفصیلات کے مطابق نواز شریف کا کہنا تھا کہ حکومت کی مدت پوری ہونے میں اب 4سے5ماہ رہ گئے ہیں، اب سمجھ نہیں آتا ان تحریکوں کا مقصد کیا ہے، مولاناصاحب کینیڈا سے کیوں آئے ہیں ،5ماہ صبر کرلیں۔

سابق وزیراعظم نے احتساب عدالت کے باہر میڈیا سے گفتگو کرتے ہوئے کہا کہ سمجھ نہیں آرہامیرےخلاف کیس کیاہے، کیس کی نوعیت کیا ہےسب سے بہتر آپ لوگ جانتے ہیں۔

بلوچستان کے حوالے سے سابق وزیراعظم نے کہا کہ بلوچستان کا معاملہ سنجیدہ ہے ،قوم کوبےوقوف بنایاجارہاہے، 500ووٹ لینے والے شخص کو وزیراعلیٰ بنا دیا گیا ہے، بلوچستان کے معاملے پر پرسوں اہم اجلاس بلایا ہے۔

ان کا مزید کہنا تھا کہ پاکستان اور قوم کیساتھ زیادتی ہورہی ہے، بلوچستان میں اکثریت نہ رکھنے والی جماعت کو نمائندگی دی گئی۔

چند روز قبل مسلم لیگ ن کے سربراہ نواز شریف نے کہا ہے کہ ماضی میں‌ بھی ہماری راہ میں‌ رکاوٹیں‌ کھڑی کی گئیں، مگر نہ تو ہم پہلے گھبرائے، نہ ہی اب گھبرائیں‌ گے، ہم حالات کا ڈٹ کرمقابلہ کریں گے۔