• صفحہ اول
  • /
  • خبریں
  • /
  • کراچی کے ساحل پر پُراسرار نیلی روشنیوں کا حیران کُن منظر

کراچی کے ساحل پر پُراسرار نیلی روشنیوں کا حیران کُن منظر

کراچی کے سمندر میں پُراسرار نیلی روشنی نے سب کو حیران کردیا ، اس منظر کی ویڈیو بھی وائرل ہوئی، آئے جانتے ہیں آخر یہ معمہ کیا ہے۔

گذشتہ رات کراچی کے ساحل پر ایک نایاب اور حیرت انگیز منظر دیکھا گیا ، جس نے سب کو حیران کردیا.

دلکش نیلی روشنی سے مزین لہریں شہر کے ساحل پر ایک جادوئی نظارہ پیش کر رہی تھیں، جس نے شائقین کو مسحور کر دیا۔

ورلڈ وائلڈ لائف فنڈ پاکستان کے ٹیکنیکل ایڈوائزر معظم خان نے بتایا کہ یہ رجحان Noctiluca scintillans کی وجہ سے ہوا، جسے “سی فائر” یا “سی ٹوئنکل” بھی کہا جاتا ہے، یہ چھوٹے سمندری جاندار، جو سرسوں کے بیجوں سے چھوٹے ہیں، ایک کیمیائی عمل کے حصے کے طور پر روشنی خارج کرتے ہیں،جسے بایولومینیسینس کہا جاتا ہے۔

معظم خان نے اس بات پر زور دیا کہ کراچی کے سمندر میں Noctiluca scintillans کی موجودگی اس علاقے میں سمندری حیات کی فراوانی کی نشاندہی کرتی ہے۔

رات کی تاریکی میں لہروں میں نظر آنے والی یہ نیلی سی چمک اگر دن کی روشنی میں دیکھی جائے تو سبز نظر آتی ہے، یہ ایک قسم کے فائٹوپلانکٹن ہیں، جو عام طور پرمعتدل علاقوں کے ساحلی علاقوں میں پائے جاتے ہیں.

Advertisements
julia rana solicitors

ماہرین کا کہنا ہے کہ یہ عمل سمندری حیاتیات کے علاوہ مختلف انواع کے جاندار میں بھی پایا جاتا ہے، عام طور سے جانور محفوظ رہنے کے لیے بایولومینیسینس کا عمل ظاہر کرتے ہیں۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply