دنیا کی سب سے بڑی لفٹ میں کتنے افراد سماسکتے ہیں ؟

آپ کو یہ جان کر حیرت ہوگی کہ دنیا کی سب سے بڑی لفٹ ایک فلیٹ کے سائز جتنی ہے۔

دنیا کی سب سے بڑی لفٹ بھارت میں واقع ہے، یہ ایک فلیٹ کے سائز جتنی ہے جس میں ایک وقت میں 235 افراد سما سکتے ہیں، اور اس کا وزن 16 ٹن ہے اور اس میں 9 اسٹیل کیبلز ہیں۔

یہ مسافر لفٹ Kone کارپوریشن انڈیا کے ذیلی ادارے Kone ایلیویٹرز نے تیار کی تھی، جو ممبئی میں جیو ورلڈ سینٹر، باندرہ کرلا کمپلیکس میں نصب کی گئی ہے۔

لفٹ کی پیمائش 25.78 مربع میٹر ہے اور اس کی شیشے کی دیواریں عمارت کے اندر کے خوب صورت نظارے پیش کرتی ہیں، اسے کنونشن سینٹر میں شادیوں یا نمائشوں میں شرکت کرنے والے لوگوں کے بڑے گروپس کی خدمت کے لیے نصب کیا گیا تھا۔

اس کا سائز ایک اسٹوڈیو اپارٹمنٹ جتنا ہے، کسی لفٹ کے لیے یہ اتنا بڑا سائز ہے کہ اسے محفوظ بنانا بھی ایک مسئلہ ہوتا ہے، چناں چہ کمپنی نے عمارت کی پانچ منزلوں کے درمیان اسے چلانے کے لیے جدید پُلی بیم سسٹم تعمیر کیا ہے، اور لفٹ 18 پلیوں اور 9 رسیوں کی مدد سے چلائی جاتی ہے۔

Advertisements
julia rana solicitors

اس لفٹ کا منفرد دروازہ چار پینل پر مشتمل ہے، یہ لفٹ پانچ منزلوں کے درمیان ایک میٹر فی سیکنڈ کی رفتار سے سفر کرتی ہے۔ اس لفٹ کے اندر سے نہایت شان دار طور پر آرائش کی گئی ہے۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply