قصور :کم سن زینب کے قتل کے بعد قصور کی ضلع کچہری اس وقت میدان جنگ بن گئی جب شہریوں نے پتھراؤ کیا تو پولیس نے نہ صرف مظاہرین پر لاٹھیاں برسائیں بلکہ فائرنگ کردی جس کے نتیجے میں 2افراد جاں بحق اور 5افراد زخمی ہوگئے۔
بدھ کو قصور میں کم سن زینب سے زیادتی و قتل کے واقعے کیخلاف خواتین سمیت بڑی تعداد میں شہری سڑکوں پر نکل آئے اور پولیس و انتظامیہ کی نااہلی کیخلاف شدید احتجاج کیا،واقعے کیخلاف شہر میں مکمل ہڑتال کی گئی اور کاروبار زندگی متاثر رہا۔
بچوں سے زیادتی اور قتل کے واقعات کیخلاف غمزدہ عوام پتھر اور لاٹھیاں اُٹھائے ضلع کچہری پہنچے تو پولیس سے سامنا ہوگیا،مظاہرین نے توڑ پھوڑ کی تو پولیس نے پہلے لاٹھی چارج کیا،بات نہ بنی تو فائرنگ شروع کردی ،جس سے علاقہ میدان جنگ بن گیا۔
فائرنگ سے ہلاکتیں بھی ہوئیں اور مظاہرین زخمی بھی ہوئےلیکن ننھی زینب کے قتل کیخلاف احتجاج کا سلسلہ نہ رُکا۔
Facebook Comments
بذریعہ فیس بک تبصرہ تحریر کریں