مسیحیوں کے روحانی پیشوا پوپ فرانسس نے اسرائیل اور فلسطین سے فوری طور پر جنگ بندی کامطالبہ کردیا۔
تفصیلا ت کےمطابق پوپ فرانسس نےاپنےایک بیان میں کہا کہ جنگ کبھی بھی مسائل کا بہتر حل ثابت نہیں ہوتی۔
غزہ پر اسرائیل کی بمباری سے شہید ہونے والے فلسطینیوں کی تعداد 313 ہوگئی جبکہ 2 ہزار سے زائد زخمی ہوگئے ہیں۔
دوسری جانب حماس نے ایک اور اسرائیلی شہر پر راکٹوں سے حملہ کیا، حماس کی کارروائیوں میں سینئر فوجی افسر سمیت 50 سے زائد فوجی اور 600 سے زیادہ اسرائیلی ہلاک اور 2 ہزار سے زیادہ زخمی ہوئے۔
اسرائیل نے فلسطینیوں کو 12 گھنٹے میں غزہ خالی کرنے کا الٹی میٹم دے دیا،اسرائیلی وزیراعظم نے غزہ پر مکمل قبضہ کرنے اورحماس کو ختم کرنے کی دھمکی دے دی، اسرائیلی وزیراعظم نے جنگ کے فرمان پر بھی دستخط کردیے۔