بہت سی خواتین یہ نہیں جانتی کہ سگریٹ نوشی کرنا ان کیلئے بڑے مسائل اور جان لیوا خطروں کا باعث بنتا ہے، البتہ اس کا مطلب یہ بلکل نہیں کہ مردوں کو سگریٹ پینی چاہیے ، سگریٹ مرد اور عورت دونوں کیلئے نقصان دہ ہے لیکن عورت میں سگریٹ پینے کے خطرے مرد کے مقابلے میں زیادہ ہے، لہذا دونوں کو چاہیے کہ وہ سگریٹ پینا چھوڑ دیں۔
آئیں آج ہم آپ کو خواتین میں سگریٹ نوشی کے چندمضر اثرات کے بارے میں بتاتے ہیں۔
کینسر کےخطرے میں دگنا اضافہ
ایک مطالعہ کے مطابق اگر ایک عورت ، مرد کی طرح ذیادہ مقدار میں سگریٹ پیتی ہے تو اس میں کینسر کے خطرات دگنے ہوجاتے ہیں کیونکہ مرد اور عورت میں سگریٹ پینے سے کارسینوجن کا ردعمل مختلف ہوتا ہے۔
دل کے دورے کے مضر اثرات میں اضافہ
پبلش کئے گئے ایک مطالعہ کے مطابق مرد کے مقابلے میں خواتین میں دل کے دورے پڑنے کے اثرات 25 فیصدبڑھ جاتے ہیں اور خواتین میں ہر سال یہ اثرات بڑھتے جاتے ہیں جب تک وہ سگریٹ نوشی چھوڑ نہ دیں۔
رگوں پر پڑنے والے اثرات
یورپ پر مبنی ایک ریسرچ کے مطابق وہ خواتین جنہیں سگریٹ نوشی کی عادت ہوجائے ان میں مردوں کے مقابلے میں رگوں پر پڑنے والے منفی اثرات 5 گنا بڑھ جاتے ہیں۔
بچے کی پیدائش میں خطرہ
سگریٹ پینے سے خاتون میں بچے پیدا کرنے والے عمل پر گہرا اثر پڑتا ہے اور بچے کی پیدائش میں اسے مشکلات کا سامنا کرنا پڑتا ہے البتہ اگر خاتون حاملہ کی صورتحال میں سگریٹ پیتی ہے تو نورسیدہ بچے پیدا ہونے کے خدشات ہوتے ہیں اور ہونے والے بچے کی موت بھی واقعہ ہوسکتی ہے۔ اس کے علاوہ سگریٹ نوشی کی وجہ سے بچوں کیلئے خواتین میں دودھ کی مقدار کم ہوجاتی ہے۔ حالانکہ سگریٹ پینے سے مرد کی اولاد پیدا کرنے والی صلاحیت پر بھی اثر پڑتا ہے لیکن کیونکہ اولاد پیدا کرنے میں مرکزی کردار عورت کا ہوتا ہے اس لئے ان پر اس چیز کا اثر زیادہ پیدا ہوتا ہے۔
Facebook Comments
بذریعہ فیس بک تبصرہ تحریر کریں