لاہور : مریم نواز کا شریف برادران کے این آر او سے متعلق خبروں پر کہنا ہے کہ کتناجھوٹ بولوگے؟اللہ کوجواب بھی دیناہے، کیا پوچھ گچھ کیلئے عزت سے شاہی جہاز بھیج کر بلایا جاتا ہے، شاباش۔

تفصیلات کے مطابق سابق وزیر اعظم نواز شریف کی صاحبزادی مریم نواز نے سماجی رابطے کی ویب سائٹ ٹوئٹر پرشریف برادران کے این آر او سے متعلق خبروں پر اپنے بیان میں کہا کہ کیا پوچھ گچھ کیلئے عزت سے شاہی جہاز بھیج کر بلایا جاتا ہے؟ کتناجھوٹ بولوگے؟اللہ کوجواب بھی ہے۔

واضح رہے کہ وزیراعلیٰ پنجاب اور سابق وزیراعظم کے دورہ سعودی عرب پر تھے، جس پر کہا جارہا تھا شریف برادران این آر او کے سعودی عرب گئے ہیں جہاں انھوں نے سعودی ولی عہد محمد بن سلمان اور دیگر اہم شخصیات سے ملاقات کی ہیں۔

ذرائع نے دعویٰ کیا تھا کہ شریف برادران سے سعودی ایجنسیز نے کرپشن سے متعلق تحقیقات کیں، دونوں بھائی مبینہ طورپر کرپشن کے الزام میں گرفتار سعودی شہزادوں کے پارٹنر رہ چکے ہیں، سعودی ایجنسیوں نے شریف برادران سے معلومات کی ضرورت محسوس کی، شریف برادران کے سعودی عرب میں قیام کی وجہ یہی ہے۔

Advertisements

خیال رہے وزیر اعلیٰ پنجاب شہباز شریف سعودی عرب سے وطن واپس پہنچ چکے ہیں جبکہ نواز شریف آج شام سعودی ایئرلائن کی پرواز سے اسلام آبادپہنچیں گے۔