ایک نئی تحقیق میں پایا گیا ہے کہ تنہائی دور کرنے کیلئے بنائے گئے مخصوص آرٹیفیشل انٹیلی جنس روبوٹس علیحدگی پسند افراد کیلئے ایک دن معاون ثابت ہوسکتے ہیں۔

رپورٹس کے مطابق کارنیل، ڈیوک یونیورسٹی اور نیوزی لینڈ کی یونیورسٹی آف آکلینڈ کے سائنسدانوں نے سائنس روبوٹکس نامی جریدے میں اپنے نتائج شائع کیے ہیں۔ محققین نے پایا کہ 1990 کے بعد سے ایسے امریکیوں کی تعداد چار گنا بڑھ گئی ہے جن کا کوئیقریبی دوست نہیں۔

Advertisements

ڈیوک یونیورسٹی میں نفسیاتی اور جیریاٹرکس کے پروفیسر مرلی دوریسوامی نے بتایا کہ تمام شواہد اس بات کی طرف اشارہ کرتے ہیں کہ تنہائی کا احساس دور کرنے کیلئے ایک حقیقی دوست بہترین حل ہے۔ لیکن جب تک معاشرہ سماجی روابط اور بزرگوں کی دیکھ بھال کو ترجیح نہیں دیتا، روبوٹ ان لاکھوں تنہا افراد کے لیے ایک حل ہیں جن کے پاس کوئی دوسرا حل نہیں ہے۔