ٹائٹینک کے ملبے کو دیکھنے کی جستجو میں میں لاپتہ ہونے والی آبدوز کی تلاش اپنے اختتام کو پہنچ چکی ہے، کئی دنوں تک جاری رہنے والی اس تلاش نے بین الاقوامی توجہ ایک کاٹیج انڈسٹری پر مرکوز کر دی ہے جو منافع کے لیے آر ایم ایس ٹائٹینک کی باقیات کی سیر کراتی ہے۔ ٹائٹن آبدوز اوشین گیٹ ایکسپڈیشنز کی ملکیت تھی، جو گزشتہ اتوار کی صبح شمالی بحر اوقیانوس کی سطح سے تقریباً 13,000 فٹ نیچے ٹائیٹینک کے ملبے والے مقام کی طارف جاتے ہوئے لاپتا ہوگئی، اس کا سطح سطح سے رابطہ منقطع ہوگیا تھا۔

بڑے پیمانے پر سرچ آپریشن کے بعد کوسٹ گارڈ نے جمعرات کو اعلان کیا کہ اسے کچھ ملبہ ملا ہے جس سے ظاہر ہوتا ہے کہ ٹائٹن آبدوز پھٹ گئی ہے۔

اوشین گیٹ ایکسپڈیشنز کے ایک بیان کے مطابق، ھادثے میں پانچ مسافر ہلاک ہوئے ہیں۔

واشنگٹن میں قائم ”ایوریٹ“ نامی اس کمپنی نے سیاحوں سے ٹائیٹینک کے ملبے کو دیکھنے کا موقع دینے کے لیے ڈھائی لاکھ ڈالر فی کس چارج کیا۔

ٹائٹینک کا 111 سال پرانا ملبہ ایک منافع بخش ثقافتی ورثے میں تبدیل ہو گیا ہے، جس میں 1997 کی جیمز کیمرون بلاک بسٹر کے بعد دلچسپی اور بڑھ گئی۔

اوشین گیٹ پہلی کمپنی تھی جس نے اس ملبے سے بھی منافع کمانے کی کوشش کی۔

”آر ایم ایس ٹائیٹینک انکارپوریشن“ ایک ایسی کمپنی کا نام ہے جسے سوائے شوقیہ ٹائٹینک مورخین اور شائقین کے بہت کم لوگ جانتے ہیں۔

یہ واحد کمپنی ہے جو ٹائٹینک تک رسائی کو مؤثر طریقے سے کنٹرول کرتی ہے۔

اوشین گیٹ کے برعکس جس نے بار بار جاری کئے گئے حفاظتی انتباہات کو نظر انداز کیا ہے، آر ایم ایس ٹائیٹینک انکارپوریشن کا ماضی بہت اچھا ہے۔

یہ کمپنی ایک منفرد مقام رکھتی ہے، یہ واحد ادارہ ہے جسے قانونی طور پر ملبے سے اشیاء کو نکال کر محفوظ کرنے کی اجازت ہے۔

اوشین گیٹ کی لاپتا آبدوز پر فرانسیسی ایکسپلورر پال ہینری نارجیولیٹ تھے، جنہوں نے ملبے تک رسائی کیلئے درجنوں غوطے لگائے ہیں، جن میں کم از کم چار اوشین گیٹ کی آبدوز کے پائلٹ کے طور پر ہیں، جسے ٹائٹن کہتے ہیں۔

کمپنی کی ویب سائٹ کے مطابق، نارجیولٹ آر ایم ایس ٹائیٹینک انکارپوریشن کی زیر آب تحقیق کے ڈائریکٹر بھی تھے اور بورڈ کی سابق رکن بھی۔

اوشین گیٹ نے ایک اٹارنی ڈیوڈ کنکنن کو بھی ملازمت دی تھی جنہوں نے دو بار وفاقی عدالت میں آر ایم ایس ٹائیٹینک انکارپوریشن کی نمائندگی کی ہے۔

آر ایم ایس ٹائیٹینک انکارپوریشن نے اوشین گیٹ کے ساتھ اپنے تعلقات کے بارے میں سوالات کا جواب نہیں دیا، لیکن کونکینن نے گزشتہ سال ایک وفاقی جج کو بتایا کہ کمپنیوں کا آپس میں ”کوئی تعلق نہیں“، یہ الگ الگ ادارے ہیں۔

آر ایم ایس ٹائیٹینک انکارپوریشن کی عجیب و غریب ابتدا
1985 میں سمندری ماہر رابرٹ بیلارڈ نے ٹائیٹینک کے ملبے کو دریافت کیا، جس کے بعد کچھ تاجروں نے مل کر نفع کو ذہن میں رکھتے ہوئے ملبے سے نوادرات کو بچانے کی کوشش شروع کی۔

بعد میں آر ایم ایس ٹائیٹینک انکارپوریشن کہلائے گئے اس گروپ میں جی مائیکل ہیرس بھی شامل تھے، جو سمندری مہم جو تھے، اور کہتے تھے انہیں اتنی بار سمندری لٹیرا کہا گیا کہ انہوں نے جولی راجر کو اپنے کندھے پر ٹیٹو کروا لیا۔

ان افراد میں ”پیپلز کورٹ“ کے پروڈیوسر جان جوسلین، نارجیولیٹ، اوہائیو کے کنسرٹ پروموٹر جو مارش اور آرنی گیلر، جو ٹائیٹینک کے ہل میں سوراخ کرنے کے درپے تھے کہ جہاز میں موجود 300 ملین ڈالر کے ہیروں کو تلاش کیا جا سکے۔ شامل تھے۔

1990 کی دہائی میں اس گروپ نے جہاز کے ملبے سے ہزاروں نمونے نکالے تھے، جو بالارڈ سمیت کچھ لوگوں کی پریشانی کا باعث بھی بنا، جن کا خیال تھا کہ ملبے کو ان 1500 لوگوں کی یادگار کے طور پر اچھوت رہنا چاہیے جو 1912 میں ٹائٹینک کے برف کے تودے سے ٹکرانے کے بعد ہلاک ہو گئے تھے۔

اس دوران شراکت میں شامل کچھ اراکین خاص طور پر مارش ملبے سے فائدہ اٹھانے کی خواہش ظاہر کر رہے تھے۔

مارش نے 1999 میں نیویارک ٹائمز کو بتایا کہ ’’ہم سب جانتے ہیں کہ پانی کے نیچے اربوں ڈالر موجود ہیں۔ یہ سونے کی کان پر بیٹھنے جیسا ہے۔‘‘

ایک وفاقی جج نے فیصلہ دیا کہ کمپنی کو کسی بھی نمونے کو فروخت کرنے کی اجازت نہیں تھی جو اس نے بچایا تھا، لیکن انہوں نے نمونوں کو عوامی نمائش کے لیے پیش کرنے اور اس سے پیسے کمانے کی اجازت دی۔

شراکت داری کے اندر تناؤ بڑھ گیا کہ 1999 میں، گیلر، ہیرس، مارش، اور جوسلین نے بغاوت کردی اور کمپنی پر قبضے کی کوشش کی۔

جس کے نتیجے میں اس وقت کے سی ای او جارج ٹلوچ کو ہتا دیا گیا جو ایک بی ایم ڈبلیو ڈیلر تھے اور انہوں نے ہی ٹائٹینک کے ہل کے 20 ٹن حصے کو سطح پر اٹھایا تھا۔

اگلے سال، ہیریس کو کمپنی کے فنڈز میں غبن کرنے کے الزامات پر کمپنی چھوڑنے پر مجبور کیا گیا۔ بعد میں وہ کمپنی کے ساتھ ایک قانونی تنازعہ میں الجھ گئے، انہوں نے ٹائیٹینک سے اٹھائے گئے چار فن پاروں کو کی سفری نمائش کے لیے فنڈ دینے کے لیے قرض کا استعمال کیا۔

ایس ای سی نے 2004 میں جوسلین، مارش اور چار دیگر سرمایہ کاروں کو ٹیک اوور کے دوران ”مادی طور پر غلط اور گمراہ کن بیانات“ دینے پر چار لاکھ پانچ ہزار ڈالرز جرمانہ کیا۔

آر ایم ایس ٹائیٹینک انکارپوریشن کے سفر کا آغاز
سن 2000 کی دہائی کے دوران، آر ایم ایس ٹائیٹینک انکارپوریشن نے اپنے آپ کو ملبے سے برآمد ہونے والے فن پاروں کی سفری نمائش کے لیے وقف کر دیا۔

اس نے لاس ویگاس اور اورلینڈو میں دو مستقل ڈسپلے کی بنیاد رکھی، اور دیگر عمیق سفری نمائشوں میں شاخیں ڈالیں، جس میں ایک متنازعہ ”باڈیز ریویلڈ“ نمائش بھی شامل ہے جس میں پلاسٹسائزڈ انسانی باقیات شامل ہیں۔ کمپنی نے 2016 میں دیوالیہ پن کا اعلان کیا۔

منگل کے ایک خط میں، آر ایم ایس ٹائیٹینک انکارپوریشن نے ملبے کی جگہ تک رسائی کی نگرانی کرنے والی وفاقی عدالت کو مطلع کیا کہ اوشین گیٹ کی آبدوز غائب ہو گئی ہے۔