اسلام آباد: اسحاق ڈارکے صاحبزادےعلی ڈار نےعمران خان کےالزامات کا جواب دے دیا۔
کہتے ہیں کہ وہ دبئی میں دو ٹاورز اور باون ولاز کے مالک نہیں ہیں، انہوں نے عمران خان کو الزامات پر عدالت لیجانے کا بھی اعلان کردیا۔
دوسری جانب قمر زمان کائرہ کہتے ہیں سعودی عرب کا شہبازشریف کو طیارہ بھیج کر بلانا کاروبار کیلئے ہرگز نہیں ہوسکتا۔
گذشتہ روز پریس کانفرنس میں عمران خان نے دعویٰ کیا تھا کہ اسحاق ڈار کی گیارہ کمپنیاں ہیں اوران کی دبئی میں ایک کمپنی کے باون ولاز ہیں، انہوں نے انیس سو اکیاسی سے انیس سو بانوے تک انکم ٹیکس نہیں دیا۔
پی ٹی آئی چیف نے مزید کہا کہ اسحاق ڈار نواز شریف کے فرنٹ مین ہیں اس لیے انہیں ملک سے فرار کروا دیا گیا، انہیں ملک سے نکالنے کیلئے شاہد خاقان کا جہاز دیا گیا۔
عمران خان کا کہنا تھا کہ اسحاق ڈار احتساب کی گرفت میں آجاتے تو سب کی چوری پکڑی جاتی۔
Facebook Comments
بذریعہ فیس بک تبصرہ تحریر کریں