بالی وڈ فلموں کے مشہور وِلن اشیش ودھیارتی نے 57 برس کی عمر میں دوسری شادی کرنے پر اپنے لیے استعمال ہونے والے توہین آمیز الفاظ پر گہرے دُکھ کا اظہار کیا ہے۔

اشیش ودھیارتی کا انٹرویو میں کہنا تھاکہ جب میری شادی کی خبر سوشل میڈیا پر وائرل ہوئی تو میں نے اپنے لیے بڈھے کھوسٹ جیسے الفاظ پڑھے اور بھی بہت سے توہین آمیز الفاظ میرے لیے استعمال کیے گئے

‘دلچسپ بات ہے کہ جو جو یہ باتیں کہہ رہا ہے، جو اپنے سے بڑی عمر کے افراد کو اس طرح کہتا ہے، کیا اس نے کبھی بوڑھا نہیں ہونا؟’

اشیش ودھیارتی کاکہنا تھا کہ ‘ہم خود سے کہہ رہے ہوتے ہیں کہ نہیں ہمیں یہ نہیں کرنا چاہیے کیونکہ ہم بوڑھے ہورہے ہیں یا بڑے ہوگئے ہیں، اس کا یہ ہرگز مطلب نہیں کہ انسان ناخوش ہی دنیا سے رخصت ہوجائے’۔

Advertisements

بھارتی اداکار نے مزید کہا کہ ‘اگر کسی شخص کو ساتھی کی ضرورت ہوتی ہے تو اسے یہ ساتھ کیوں حاصل نہیں کرنا چاہیے؟ ہم کیوں دوسروں کے لیے دیواریں کھڑی کرتے ہیں؟ ایک شخص جس نے قانونی طور پر شادی کی ہو، اس میں کیا غلط ہے؟ یہ ایسی چیز ہے جس میں ہمیں ایک دوسرے کو سپورٹ کرنے کی ضرورت ہے’۔