یورپ اور ایشیا کے سنگم پر واقع ملک جارجیا کی قومی ایئرلائن جارجین ایئرویز نے ملک کی صدر کے اپنے طیاروں میں سوار ہونے پر پابندی عائد کر دی۔

جارجیا کی صدر سلومی زورابِخوِلی نے قومی ایئرلائن کی طرف سے روس کیلئے پروازیں بحال کرنے پر کہا تھا کہ وہ ایئرلائن کا بائیکاٹ کریں گی۔روس نے رواں ماہ جارجیا سے براہ راست پروازوں پر سے 4 سالہ پابندی اٹھا لی تھی۔

ساتھ ہی ساتھ روس کا سفر کرنے والے جارجیا کے شہریوں کیلئے دہائیوں پرانی ویزا کی شرط بھی ختم کر دی گئی تھی۔جارجیا کی صدر سلومی نے جارجین حکام پر زور دیا تھا کہ وہ روس کے ان اقدامات کو ناکام بنا دیں۔

جارجین ایئرویز کی بانی تماز گایاشولی نے کہا کہ صدر سلومی اب ’ناپسندیدہ شخصیت‘ ہیں اور جب تک وہ جارجیا کی عوام سے معافی نہیں مانگیں گی تب تک وہ ہماری ایئرلائن میں سفر نہیں کرسکتیں۔

Advertisements

جارجیا کے شہریوں کا ایک طبقہ ماسکو کے ساتھ کسی بھی مفاہمت کی مخالفت کرتا ہے۔روس کے فوجی دستے جارجیا کے دو علاقوں ابخازیا اور جنوبی اوسیٹیا میں موجود ہیں۔