کانگریس رہنما راہول گاندھی کو دو سال قید کی سزا

بھارتی گجرات کی عدالت نے ہتک عزت کے کیس میں کانگریس رہنما راہول گاندھی کو دو سال قید کی سزا سنادی۔

بھارتی میڈیا کے مطابق گجرات کی سورت کی عدالت نے سیاسی جماعت کانگریس کے رہنما راہول گاندھی کو 2019 کے ہتک عزت کے کیس میں سزا سنائی۔

عدالت نے راہول گاندھی کو ’مودی سرنیم‘ سے متعلق دیے گئے بیان کے کیس میں سزا سنائی۔

فیصلے کے موقع پر راہول گاندھی خود عدالت میں موجود تھے تاہم کانگریس رہنما کی سزا کو عدالت نے کچھ دیر بعد معطل کرتے ہوئے ان کی 30 دن کی ضمانت منظور کرلی اور انہیں فیصلے کے خلاف اپیل کا حق بھی دیا گیا ہے۔

راہول گاندھی کے خلاف کیس بی جے پی کے ایم ایل اے اور سابق وزیر پرنیش مودی نے دائر کیا تھا جس میں راہول گاندھی پر الزام ہے کہ انہیں مودی سرنیم رکھنے والوں کو چور کہہ کر مخاطب کیا۔

Advertisements
julia rana solicitors

راہول گاندھی نے 2019 میں لوک سبھا کی الیکشن مہم کے دوران یہ بیان ایک ریلی کے دوران دیا تھا جس کے خلاف درخواست گزار نے مؤقف اختیار کیا تھا کہ راہول گاندھی نے تمام مودی برادری کی توہین کی ہے۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply