لاہور احتساب عدالت نے شہباز شریف فیملی کے خلاف منی لانڈرنگ کیس کی سماعت کو 4 اپریل تک ملتوی کردی ہے۔

رپورٹ کے مطابق احتساب عدالت نمبر 9 کے جج قمر الزمان نے وزیراعظم شہباز شریف کی فیملی کیخلاف منی لانڈرنگ کیس کی سماعت کی۔وزیر اعظم شہباز شریف کی جگہ ان کے پلیڈر انوار حسین عدالت میں پیش ہوئے۔نیب نے شریک ہونے والے ملزمان سلمان شہباز اور ہارون یوسف سے متعلق سپلیمنٹری رپورٹ جمع کرا دی گئی۔

نیب ریفرنس میں وزیر اعظم شہبازشریف، حمزہ شہباز سمیت ٹوٹل 16 ملزمان کو نامزد کیا گیا ہے جبکہ ریفرنس میں شہباز شریف، حمزہ شہباز، سلیمان شہباز، رابعہ شہباز اور نصرت شہباز کو فریق بنایا گیا تھا۔

عدالت نے حمزہ شہباز کی حاضری معافی کی درخواست کمر کی تکلیف کے باعث منظور کرلی ہے۔احتساب عدالت نے کیس پر مزید سماعت 4 اپریل تک ملتوی کردی۔

Advertisements

واضح رہے کہ احتساب عدالت نے وزیراعظم شہباز شریف کو حاضری سے مستقل استثنی دے رکھا ہے۔