ایبٹ آباد میں پی ٹی آئی تحصیل ناظم کی گاڑی پر فائرنگ اور راکٹ فائر کرنے کا افسوسناک واقعہ پیش آیا ہے جس کے نتیجے میں تحصیل ناظم سمیت جاں بحق افراد کی تعداد 10 ہوگئی ہے۔

ڈی پی او عمر طفیل کے مطابق فائرنگ کا واقعہ حویلیاں کے قریب پیش آیا۔ گاڑی میں 8 افراد سوار تھے۔گاڑی مکمل جل گئی ہے اور گاڑی میں موجود تمام لاشیں بھی جل گئی ہیں۔

پولیس کے مطابق تحصیل حویلیاں کے چیئرمین عاطف منصف جدون بھی قاتلانہ حملے میں جاں بحق ہوگئے ہیں۔

Advertisements

ڈی پی او کے مطابق واقعہ ذاتی دشمنی کا شاخسانہ لگتا ہے۔ پی ٹی آئی تحصیل ناظم عاطف منصف کی گاڑی میں موجودگی کی تصدیق بھی ہوگئی ہے تاہم باڈیز جلنے کے باعث لاشوں کی تصدیق کا عمل ڈی این اے سے کیا جائے گا۔