شیوسینا کے سربراہ بال ٹھاکرے پر بہت کچھ لکھا اور سنایا جاچکا ہے تاہم اب بہت جلد ان کی زندگی پر بنائی گئی فلم بھی ریلیز ہونے والی ہے ۔تاہم حیرت انگیز طور پر بال ٹھاکرے پر بننے والی اس فلم کے ٹریلر کو ریلیز ہونے کے فوری بعد تیس لاکھ لوگوں نے دیکھ لیا ہے۔ٹریلر کا آغاز ایک تباہ حال اور بکھرے ہوئے مقام سے ہوتا ہے جس کے بعد ایک شیر خوار بچے کو زمین پر بیٹھے ہوئے روتا ہوا دکھایا جاتا ہے جس کے بعد کچھ شر پسند افراد کو بھاگتے ہوئے دیکھا جاسکتا ہے تاہم آخر میں بال ٹھاکرے جس کا کردار نواز الدین صدیقی ادا کررہے ہیں ، ان کو دکھایا گیا ہے جو کہ عوام سے خطاب کیلئے اسٹیج پر موجود ہیں۔