مریم نواز 2 روزہ تنظیمی دورہ فیصل آباد کرکے واپس آچکی ہیں۔ دوران اجلاس لیگی رہنما مریم نواز کے سامنے پھٹ پڑے۔ جس کی اندرونی کہانی سامنے آگئی ہے۔

تفصیلات کے مطابق مسلم لیگ ن کی چیف آرگنائزر مریم نواز کی زیر صدارت ڈویژنل سطح کااجلاس ہوا جس میں شرکاء کی جانب سے مہنگائی پر تحفظات کا اظہار کیا گیا۔

ذرائع کے مطابق اجلاس میں متعدد رہنماؤں نے مریم نواز کے سامنےشکوہ کرتے ہوئے کہا کہ جس قدر مہنگائی ہورہی ہے عوام پارٹی سے نالاں ہے، جس پر مریم نواز کا کہنا تھا کہ مہنگائی کہ اصلیت عوام تک پہنچائیں اورعوام کو بتائیں کہ مہنگائی عمران خان کی وجہ سے ہورہی ہے۔

Advertisements

مریم نواز نے ارکان اسمبلی کو پنجاب کے الیکشن کے لیے بھرپور تیار رہنے کی ہدایت کرتے ہوئے کہا کہ جو امیدوار اپنے آپ کو حلقے میں کمزور سمجھتا ہے وہ اپنے کاغذات جمع نہ کروائے جب کہ کل پارلیمانی بورڈ تشکیل دے دیا جائے گا جو آئندہ ہفتے تک ٹکٹیں فائنل کرے گا۔