تحریک انصاف  نے عمران خان کی گرفتاری کی صورت میں جیل بھرو تحریک دوبارہ شروع کرنے کا عندیہ دے دیا۔

تحریک انصاف کی جیل بھرو تحریک کے فوکل پرسن اور سینیٹر اعجاز چودھری کا ٹویٹ میں کہنا تھا کہ  عمران خان کو گرفتار کیا گیا تو جیل بھرو تحریک دوبارہ شروع ہو سکتی ہے۔ ہمارے کارکنان پرجوش اور بے خوف ہیں، رانا ثناء اللہ کو ناکوں چنے چبوا دیں گے۔

پاکستان تحریک انصاف نے عمران خان کی قیادت میں8مارچ(بروز بدھ) کولاہور میں ریلی نکالنے کا اعلان کردیا۔

زمان پارک کے باہر میڈیا سے گفتگو میں رہنما تحریک انصاف حماد اظہر کا کہنا تھا کہ ملک میں انتخابات کا بگل بج چکا ہے، تحریک انصاف انتخابات میں کلین سویپ کرے گی ۔ واضح شکست دیکھ کر حکومت بوکھلاہٹ کا شکار ہے۔ آج جو کچھ زمان پارک میں ہوا وہ حکومتی بوکھلاہٹ کا منہ بولتا ثبوت ہے۔

Advertisements

حماد اظہر کا مزید کہنا تھا کہ عمران خان کی جان کو خطرہ ہے اس کے باوجود وہ ریلی کی قیادت کریں گے ، پورا شہر اپنے محبوب قائد کے استقبال کے لیے سڑکوں پر ہوگا، کارکنان ریلی کی بھر پور تیاریاں کریں۔