لاہور کی سیشن عدالت میں گلوکارعلی ظفرکی جانب سے میشاشفیع کیخلاف ہتک عزت کیس کی سماعت کے دوران میشاشفیع کی جانب سے علی ظفرکی سوشل میڈیا پراپ لوڈ کی گئیں تصاویر عدالت میں پیش کی گئیں۔

سیشن عدالت کے جج ایڈیشنل سیشن جج خان محمود نے ہراسگی کیس کی سماعت کی ۔

گلوکارعلی ظفر لاہور کی سیشن عدالت میں پیش ہوئے۔کیس کی سماعت کے دوران میشا شفیع پر ویڈیو لنک کے ذریعہ علی ظفر کے وکیل عمر طارق گل نے جرح کی۔

علی ظفر کے وکیل نے پوچھا کہ جنسی حراسگی کے الزام کے بعد بھی آپ نے ان کے ساتھ دو تصاویر اپ لوڈکیں۔

Advertisements

میشا شفیع نے جواب دیا کہ میرے علم میں نہیں ہو سکتا ہے یہ میری ٹیم نے کی ہو ۔عدالت میں میشا شفیع کا فیس بک اکاونٹ اور اپ لوڈ ہوئی تصاویر دکھائی گئیں۔عدالت میں میشا شفیع کی جانب سے علی ظفر کو بھجوائے گئے پیغامات بھی پیش کئے گئے۔