• صفحہ اول
  • /
  • خبریں
  • /
  • خوفناک زلزلہ تباہی کے باوجود ترکیہ میں انتخابات ملتوی نا کرنے کا فیصلہ

خوفناک زلزلہ تباہی کے باوجود ترکیہ میں انتخابات ملتوی نا کرنے کا فیصلہ

ترک صدر طیب اردوان نے تباہ کن زلزلے کے باوجود نتخابات ملتوی کرنے کا مشورہ مسترد کردیا ہے۔ انتخابات شیڈول کے مطابق جون میں ہی ہوں گے۔

رپورٹ کے مطابق 6 فروری کو آنے والے زلزلے میں ترکیہ میں 42 ہزار سے زیادہ افراد ہلاک ہوئے تھے اور اس تباہ کن زلزلے کے چند روز بعد ایک حکومتی عہدیدار نے کہا تھا کہ اس زلزلے نے وقت پر انتخابات کے انعقاد میں سنگین مشکلات کھڑی کردی ہیں لیکن صدر کے قریبی حلقوں نے شیڈول کے مطابق انتخابات کے انعقاد کی اطلاع دی ہے ۔مختلف سروے کے مطابق ترک صدر طیب اردوان کو اپنی سیاسی زندگی کے مشکل ترین انتخابات کا سامنا ہے۔

ذرائع کے مطابق انتخابات کو التوا کرنے کا فیصلہ اس لیے ترک کردیا گیاکیونکہ یہ تاثر پیدا ہوگیا تھا کہ حکومت انتخابات سے گریز کر رہی ہے جب کہ تجویز پر اپوزیشن کی جانب سے منفی ردعمل اور آئین سے متعلق قانونی مسائل تھے۔

Advertisements
julia rana solicitors london

واضح رہے کہ زلزلے کے باعث آنے والی تباہی سے قبل رجب طیب اردوان کی مقبولیت بڑھتی مہنگائی اور لیرا میں کمی کی وجہ سے ختم ہو گئی تھی۔ انہیں ملک کی جدید تاریخ کے مہلک ترین زلزلے کے بعد حکومت کی کارکردگی کے حوالے سے تنقید کا سامنا ہے۔ترکیہ نے مزدوروں اور کاروباری اداروں کو زلزلے کے مالی اثرات سے بچانے کے لیے 10 شہروں میں اجرت کی عارضی امدادی اسکیم کا آغاز کیا اور ملازمین کی چھانٹیوں پر پابندی لگا دی ہے۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply