اب صارفین واٹس ایپ پر ایک ساتھ 100 سے زیادہ تصاویر اور ویڈیوز شیئر کر سکیں گے، واٹس ایپ نے اب اینڈرائیڈ صارفین کے لیے فیچر شروع کر دیا ہے، یہ فیچر نئے اپ ڈیٹ اینڈرائیڈ ورژن 2.22.24.73 کے ساتھ دستیاب ہے۔

تفصیلات کے مطابق واٹس ایپ پر ایک وقت میں صرف 30 تصاویر شیئر کی جا سکتی تھیں لیکن اب واٹس ایپ نے حد بڑھا دی ہے۔ یعنی اب صارفین ایک وقت میں 100 سے زیادہ تصاویر اور ویڈیوز شیئر کر سکیں گے۔ اس فیچر سے آپ کو زیادہ میڈیا شیئر کرنے کی سہولت ملے گی۔

ڈاکومنٹ میں کیپشن:

اس فیچر میں ایک اور فیچر کا اضافہ کیا گیا ہے، جس کی مدد سے صارفین ڈاکومنٹ میں کیپشن شامل کر سکتے ہیں۔ پہلے صارفین کو تصاویر اور ویڈیوز کے لیے کیپشن لکھنے کا اختیار تھالیکن اب صارفین انفرادی اور گروپ چیٹس میں شیئر کی گئی میں ڈاکومنٹ کیپشن شامل کر سکتے ہیں۔ واٹس ایپ نے گروپ کے مضامین اور تفصیل کے لیے کریکٹر کی حد بڑھا دی ہے۔ اس سے صارفین اپنے گروپس کو بہتر طریقے سے سمجھا سکیں گے۔یہ نئے فیچرز صرف اینڈرائیڈ صارفین کے لیے شامل کیے گئے ہیں۔ توقع ہے کہ کمپنی اسے جلد ہی iOS کے لیے متعارف کرائے گی۔ آپ کو بتاتے چلیں کہ واٹس ایپ بزنس کے لیے ایک اور نئے فیچر پر بھی کام جاری ہے۔ اس فیچر کا نام ’کیپٹ میسج‘ ہوگا۔

Advertisements

سب سے زیادہ کرپٹو کرنسی کہاں کے ہیکرز نے چرائی؟ اقوام متحدہ کی رپورٹ جاری
یہ فیچر صارفین کو غائب ہونے والے پیغامات کو جاری رکھنے کی اجازت دے گا۔ گزشتہ سال واٹس ایپ نے فائل کی حد 100MB کی پچھلی حد سے بڑھا کر 2GB کر دی تھی، لیکن یہ فیچر ابھی WhatsApp کے لیے iOS میں متعارف ہونا باقی ہے۔