گوشئہ زرک/افسانوی مجموعہ

بلوچستان کے اردو افسانہ نگار زرک میر کے افسانوں پر مشتمل کتاب ” گوشئہ زرک ” اب لاہور میں بھی ” بُک ہوم ” پر  دستیاب ہے ۔

کتاب میں لاہور کی ایک طوائف کا بلوچ نوجوان سے مکالمہ پر محیط افسانہ ” بلوچی شلوار ” بھی شامل ہے ۔

سعادت حسن منٹو کا  اپنی اہلیہ صفیہ کیساتھ ایک خیالی مکالمہ ” منٹو کا درد ” جبکہ “منٹو کا خدا کو چیلنج ” کے نام سے ایک خوبصورت افسانہ بھی شاملِ  حال ہے جس میں منٹو کو دوزخ میں طوائفوں کیساتھ ایک دلچسپ مکالمہ کرتے ہوئے دکھایا گیا ہے ۔

کتاب میں شامل تین افسانے ایسے ہیں جن میں سعادت حسن منٹو مرکزی کردار ہیں ۔ مصنف نے ان افسانوں کو خیالی انداز میں مختلف پیرائے میں لکھاہے ۔ جن میں “منٹو کا درد ۔ بے وطن منٹو اور منٹو کا خدا کو چیلنج ” شامل ہیں ۔

اس کے علاوہ کتاب میں بلوچستان کی ثقافت روایات اور سیاست پر منبی افسانے اور مضامین شامل ہیں جن میں مصنف کا پہلا افسانہ ” کبڑا چیف ” بھی شامل ہے جس میں کبڑا چیف کے انوکھے انصاف کی نرالی منطق کو زیرِ قلم لانے کی کوشش کی گئی ہے ۔

افسانہ ” شش گور” میں بلوچستان کی ایک مظلوم عورت کیساتھ مکالمہ شامل ہے ۔عورت اپنی کہانی انتہائی دردناک انداز میں سناتی ہے ۔

اس کے علاوہ کتاب میں مزید دلچسپ افسانے ” دوگھونٹ ، کچے آم ، آدابِ  مباشرت ، ضرورت مند ، سینے کا اُبھار ، لڑکی باز ، لال شلوار اور لال سیب” وغیرہ شامل ہیں ۔

Advertisements
julia rana solicitors london

کتاب میں کُل 30 افسانے اور 7 مضامین شامل ہیں جن میں ایک مختصر سفر نامہ بھی   ہے ۔
کتاب کو بلوچستان میں زبردست پذیرائی ملی ہے ۔
کتاب رعایتی قیمت پر ” بُک ہوم ” 46مزنگ روڈ لاہور پر دستیاب ہے ۔

Facebook Comments

مکالمہ
مباحثوں، الزامات و دشنام، نفرت اور دوری کے اس ماحول میں ضرورت ہے کہ ہم ایک دوسرے سے بات کریں، ایک دوسرے کی سنیں، سمجھنے کی کوشش کریں، اختلاف کریں مگر احترام سے۔ بس اسی خواہش کا نام ”مکالمہ“ ہے۔

بذریعہ فیس بک تبصرہ تحریر کریں

Leave a Reply