عائشہ گلالئی نے ایک طویل عرصے بعد دوبارہ پریس کانفرنس کرکےعمران خان پر الزامات کی بوچھاڑ کردی ۔

تفصیلات کےمطابق عائشہ گلالئی نے پریس کانفرنس کرتے ہوئے عمران خان پر الزام عائد کیا کہ عمران کو بدلہ لینے کی عادت ہے ۔ عمران خان نے میرے خلاف پریس کانفرنس کروائی ، میرے اور میرے خاندان پر حملے کیلئے دوسروں کو آگے کیا ۔ میری بہن پر بنوں میں حملے کروائے ، ڈی پی او کو اطلاع دی تو اس نے مدد کرنے سے انکار کر دیا ۔

عائشہ گلالئی نے مزید کہا کہ عمران خان نے تیس ہزار ارب پاکستان پر قرضہ چڑھا دیا ہے ، توشہ خانہ سے تحائف لیے اس نے اپنے عہدے کا استعمال کیا، ریاست مدینہ کی مثال دینے والے نے کرپشن کی انتہا کی ہے ۔ خیبرپختونخوا اب سری لنکا بنا دیا گیا ہے ۔

عائشہ گلالئی نے مزید کہا کہ جو قوم فحاشی کو گناہ نا سمجھے تو اللہ کی طرف سے ان پر فحاش لیڈر مسلط کر دیا جاتا ہے ، عمران نے شادی جیسے مقدس رشتے میں طلاق متعارف کرا دی ہے ۔ پی ٹی آئی کا سب کو پتا تھا یہ اسٹیبلشمنٹ کے کندھے پر آئی ہے ۔ اسٹیبلشمنٹ جب ہٹ گئی تو آج وہ اسٹیبلشمنٹ سے بدلہ لے رہا ہے ۔

Advertisements

انہوں نے کہا کہ عمران سڑکوں پر ذاتی مفاد کیلئے آرہا ہے ، پی ٹی آئی واحد جماعت ہے جو فوج کو سیاسی بنانا چاہتا ہے ۔ چیف جسٹس سے درخواست کی تھی کہ عمران پر غداری کا مقدمہ کیا جائے ۔ عمران فوج کو توڑنے کی سازش کر رہا ہے ۔ اللہ کے بعد فوج ملک کی حفاظت کر رہی ہے ۔انہوں نے کہا کہ میری پارٹی کا نام جماعت صفا ہے ۔ اسلام کیلئے معتدل نظام میری پارٹی کا منشور ہے ۔ میری پارٹی تمام لوگوں کیلئے اخلاقی تربیت کا ادارہ ہوگا ۔ ہم سب نے پاکستان کو فحاشی سے بچانا ہے ۔ میں نے اور میرے خاندان نے بہت صبر کیا ہے ۔ چیف جسٹس سے درخواست ہے عمران پر تا حیات پابندی لگائیں ۔ پی ٹی آئی دہشتگردی کو سپوٹ کرتی ہے ۔ عمران کی پارٹی پاکستان کے زوال کی ذمہ دار ہے ۔