ٹوئٹر کے مالک ایلون مسک کے کمپنی کا بطور چیف ایگزیکیوٹو افسر رہنے یا نہ رہنے کے حوالے سے ٹوئٹر پررائے دینے والے صارفین کی اکثریت نے ان کے بطور سی ای او رہنے کی مخالفت کر دی۔
غیر ملکی خبر رساں ایجنسی کے مطابق ٹوئٹر کے مالک نے گذشتہ روز ’ ٹوئٹر پول‘ کے ذریعے صارفین سے رائے لی تھی کہ آیا انہیں سی ای او رہنا چاہیے یا نہیں؟ تاہم صارفین کی اکثریت نے ان کے خلاف رائے دی۔
57.5 فیصد صارفین نے پول میں کہا کہ وہ ایلون مسک کو سی ای او کے طور نہیں دیکھنا چاہتے، جبکہ 42.5 فیصد صارفین نے ان کی حمایت کی۔
ایلون مسک کی طرف سے جاری کیے گئے ٹوئٹر پول میں ایک کروڑ 75 لاکھ صارفین نے اپنی رائے دی۔
پول جاری کرتے وقت ایلون مسک نے یہ بھی لکھا تھا کہ وہ نتائج کے ساتھ کھڑے ہوں گے، تاہم انہوں نے اس بات کی تفصیلات نہیں بتائیں کہ نتائج کے بعد وہ سی ای او کے عہدے سے کب استعفیٰ دیں گے۔
Facebook Comments
بذریعہ فیس بک تبصرہ تحریر کریں