کالعدم تحریک طالبان پاکستان نے حکومت  کیساتھ  جنگ بندی  ختم کرنے کا اعلان کرتے ہوئے  جنگجووں کو ملک بھر میں حملوں کا حکم دے دیا ہے۔

غیر ملکی خبر رساں ایجنسی نے دعوی کیا ہے کہ کالعدم تحریک طالبان پاکستان نے حکومت پاکستان کے ساتھ طے پانے والی جنگ بندی ختم کر دی ہے۔

کالعدم ٹی ٹی پی نے کہا ہے کہ مختلف علاقوں میں جنگجوؤں کے خلاف فوجی کارروائیاں جاری ہیں۔لہٰذا جنگجوؤں کے لیے ناگزیر ہوگیا ہے کہ وہ پورے ملک میں جہاں کہیں بھی ہو سکے، حملے کریں۔

طالبان کی جانب سے کہا گیا ہے کہ ہم نے بارہا خبردار کیا اورصبر سے کام لیا لیکن ہم پر حملےکیےگئے،اب ہمارے انتقامی حملے دیکھیں۔

Advertisements

واضح رہے کہ کالعدم ٹی ٹی پی نے جون میں حکومت پاکستان کے ساتھ جنگ بندی پراتفاق کیا تھا لیکن دونوں فریقوں نے بار باریہ دعویٰ کیا ہے کہ جنگ بندی کو نظرانداز کیا گیا ہے۔