چین میں کورونا وائرس کے کیسز میں پھر سے اضافہ دیکھنے میں آرہا ہے، گزشتہ 24 گھنٹوں میں کورونا کے 28 ہزار نئے کیسز رپورٹ ہوئے ہیں۔

بین الاقوامی میڈیا رپورٹس کے مطابق چین میں کورونا وبا ایک مرتبہ پھر سر اٹھا رہی ہے، منگل کے روز 28 ہزار سے زائد کورونا مثبت کیسز سامنے آئے ہیں۔صوبہ گوانگ ڈونگ (Guangdong) میں 16 ہزار جب کہ چونگ قینگ (Chongqing) شہر میں 6 ہزار 300 کیسز ایک دن میں سامنے آئے ہیں۔

چین کے دارالحکومت بیجنگ میں بھی دو روز کے دوران کورونا مثبت کیسز کی تعداد دگنی ہوگئی ہے۔ اتوار کے روز بیجنگ میں 621 افراد میں کورونا کی تشخیص ہوئی تھی جب کہ مگل کے روز یہ تعداد دگنی سے بھی زیادہ ہوکر 1438 پر آگئی ہے۔واضح رہے کہ چین کا شمار دنیا کے اُن ممالک میں ہوتا ہے جہاں پر کورونا کے تدارک کے لئے سخت ترین پابندیاں لگائی جاتی ہیں۔ ان پابندیوں میں اسنیپ لاک ڈاؤن، بڑے پیمانے پر جانچ اور لاک ڈاؤن شامل ہیں۔

ملک میں کورونا کے بڑھتے ہوئے کیسز کو دیکھتے ہوئے حکام کی جانب سے شہریوں کو ہدیات کی جارہی ہے کہ وہ گھر پر رہیں اور بین الاضلاعی سفر سے گریز کریں۔