ٹوئٹر کے نئے سربراہ ایلون مسک نے اپنے کمپنی کے ملازمین کی جانب سے بڑے پیمانے پر موصول ہونے والے استعفوں پر ردعمل دیا ہے۔

یاد رہے کہ سینکڑوں ملازمین نے نئے باس ایلون مسک کے الٹی میٹم کے بعد استعفوں کی بھر مار ہوگئی، ایلون مسک نے ٹوئٹر کے ملازمین کو ای میل میں الٹی میٹم دیا تھا کہ زیادہ گھنٹے کام کرنے کا عہد کریں یا پھر نوکری چھوڑ دیں۔

ایلون مسک نے ایک ٹوئٹر صارف کو جواب دیا کہ  ’بہترین لوگ کمپنی میں باقی رہ گئے ہیں، اس لیے میں زیادہ پریشان نہیں ہوں‘۔

کمپنی بند ہونے کے بعد ایلون مسک نے ایک اور ٹوئٹ کرتے ہوئے بتایا کہ ٹوئٹر استعمال کرنے کی شرح تاریخ کی بلند ترین سطح پر پہنچ گئی ہے۔

واضح رہے کہ ایلون مسک کے الٹی میٹم کے بعد سینکڑوں ٹوئٹر ملازمین دستبردار ہوگئے، جس کے بعد ٹوئٹر نے کمپنی کے دفاتر آج سے عارضی طور پر بند کرنے کا اعلان کردیا۔

Advertisements

برطانوی میڈیا کے مطابق ٹوئٹر کی جانب سے سرکولر میں لکھا گیا عارضی طور پر دفاتر بند کئے ہیں اکیس نومبر سے آفسز دوبارہ کھول دئیے جائینگے۔